सामाजिक सञ्जालमार्फत सद्भाव भड्काउने खालको सामग्री फैलाएको आरोपमा पक्राउ परेका क्यानेडियन नागरिक रोबोट पेनरलाई दुई दिनभित्र नेपाल छाड्न गृह मन्त्रालयले निर्देशन दिएको छ । मन्त्रालयले उनको भिसा रद्द गरेको छ ।
गृह प्रवक्ता यादव कोइरालाका अनुसार दुई दिनभित्र नेपाल छोड्न पेनरलाई निर्देशन दिएर छाडिएको छ । उनलाई प्रहरीले हिजो ललितपुरबाट पक्राउ गरेको थियो । दुईदिन भित्र नेपाल नछोडे जेल चलान गरिन्छ, उनले भने ।
ट्वीटर र फेसबुकलगायत समाजिक सञ्जालमार्फत नेपालमा समाजिक सद्भाव खल्बलाउने कार्य गरेको भन्दै पेनरलाई पक्राउ गर्न अध्यागमन विभागले सोमबार ललितपुर प्रहरी परिसरलाई अनुरोध गरेको थियो । कातिपुरमा समाचार छ ।
बैशाख २१ गते, २०७३ मा प्रकाशित
