जिन्दगी (गज़ल)

-कोमल भट्ट
चन्द्रागिरी न.पा -२१
काठमाडौँ
हाल:- न्युयोर्क, अमेरिका
मन एक्लियो र अतालियो 
छु प्रवासमा र निसासियो
सुखले सहेन छ जिन्दगी 
परितापमै तन होमियो
कति दर्द भो विरहाग्निले 
न त ज्यान गो न त बाँचियो
छरपष्ट छन् सपना यहाँ 
सब चैनबाट लखेटियो
परिकल्पना ह्रदमा डुबे
तब आशको जड ठोकियो
किन दैव आज कृतघ्न छ 
किन झोक्कियो र बटारियो
अब बृद्धता छ शरीरमा 
घर आँगनी पनि टाढियो
गीतिका छन्द 
(५ अक्षरमा विश्राम) 

अन्य समाचारहरु

चर्चाको शिखरमा ‘MRR भजन’ : युवापुस्तामा अध्यात्म र भजनतर्फ बढ्दो आकर्षण

युगकवि सिद्धिचरण श्रेष्ठको ११५औं जन्म जयन्ती मनाइदै

रुदाने हुन्थे नारायणगोपालको ड्राइभर, लरी चलाएर सधै लान्थे सिंहदरवार

लोकप्रिय गायक मोतिराज खनाल र यशोदा कार्कीको आवाजमा ‘बैगुनी मायालु’ सार्वजनिक

धुँवा र मद्यपानले घट्दो जीवनशक्ति- (कविता)

आज विश्व बौद्धिक सम्पत्ति दिवस मनाइदै