खाचिकोट डिहिडाँडाका बालक अर्जुन बिकको उपचारका लागि आर्थिक सहयोग हस्तान्तरण (भिडियो तस्बिर सहित)

पहिलो प्रकासित मिती: (२०७५ पौष १, आइतवार)

सन्धिखर्क (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाचिकोटको डिहिडाँडाका कृष्ण बहादुर बिकका ११ वर्षिय छोरा अर्जुन बि. कको उपचारका लागि अर्घाखाँची समाज जापानले ५० हजार आर्थिक सहयोग गरेको छ ।

यस्तै अर्जुन बि. क बचाउ अभियानको लागि  चेत बहादुर बिस्ट बिन्दुकला बिस्टबाट ७ हजार  र कल्याणी सेवा नेपाल सन्धिखर्कबाट ३ हजार रुपैया सहयोग रकम हस्तान्तरण गरिएको छ ।

 

उक्त रकम अर्घाखाँची समाज जापानका अध्यक्ष नेत्र बिस्टले बिरामीका बुबा आमालाई हस्तान्तरण गरेका थिए ।

अर्जुनलाई लामो समयदेखि नाक मुख, गूदद्दारबाट रगत बग्ने समस्याबाट पीडित छन् । उनको आन्द्रोमा गाठो परेको र अपेरेशन गर्नुपर्ने डाक्टरहरुको भनाई छ ।

आर्थिक सहयोगपछि बिरामीलाई काठमाडौं लगिएको छ । सोको लागि निशुल्क टिकटको ब्यबस्थापन पश्चिम नेपाल बस ब्यबसायी संघले गरेको छ ।