प्रदेश नम्बर–१ को प्रदेशसभाको हिउँदे अधिवेशन माघ २० गतेदेखि सुरु हुने भएको छ ।
प्रदेशसभाका सभामुख प्रदीपकुमार भण्डारीले माघ २० गते अपराह्न ३ बजे बैठक सुरु हुने जानकारी दिए ।
प्रदेशसभाको यो तेस्रो अधिवेशन हो भने यसअघिको अधिवेशनबाट प्रदेश सरकारले विभिन्न २४ ओटा ऐन पारित गरिसकेको आन्तरिक मामिला तथा कानुन मन्त्रालयले जनाएको छ ।
चालू हुने अधिवेशनबाट थप कानुन निर्माण हुने र प्रदेशको राजधानी तथा नाम पनि तोकिने प्रस्ताव प्रदेशसभाको बैठकमा आउने अनुमान गरिएको छ । रासस
माघ २ गते, २०७५ मा प्रकाशित
