छत्रदेवमा सार्वजनिक विद्यालयमा राजनीतिक पार्टिका बैठक विद्यार्थीको पढाईमा गम्भीर असर

पशुपती श्रेष्ठ

छत्रदेव,अर्घाखाँची(अर्घाखाँची डट्कम) छत्रदेव गाउँपालिकामा रहेका सार्वजनिक विद्यालयहरुमा राजनीति पार्टिका बैठक सेमिनार जस्ता कार्यक्रमहरु विद्यालय परिसर भित्र गर्दा विद्यार्थिहरुको पढाईमा गम्भिर असर परेको छ ।

हरेक दिन कुनै न कुनै राजनीति पार्टी र गैरसरकारी संस्थाहरुले गाउँपालिकामा रहेका हरेक विद्यालय समयमा बैठक, तथा विविध कार्यक्रम हुदा विद्यार्थीहरुको पढाईमा असर परेको हो ।

पालिकाको सार्वजनिक माध्यमिक विद्यालयमा दिनहु कुनै न कुनै पार्टिका र संस्थाका कार्यक्रम हुदा पढाई गर्ने विद्यार्थी भाईबहिनीहरु परिक्षामा राम्रो अंक ल्याएर पास भएका छैनन् ” भने सधै विद्यालय समयमा विविध कार्यक्रमले गर्दा पढाई नहुने र शिक्षकहरु कार्यक्रम तथा बैठकमा केन्द्रीत हुनाले शिक्षामा अवरोध भएपछि विद्यार्थीहरु पढाईमा निकै कम्जोर हुँदै गएका छन ।

सार्वजनिक विद्यालयमा कुनै पनि कार्यक्रम अथवा बैठक बस्दा विद्यालय व्यवस्थापनलाई जानकारी दिएर त्यो पनि विदाको समयमा कुनै पनि औपचारिक कार्यक्रम गर्न स्थानिय युवाहरुले जोड दिएका छन । कोहि विद्यालयमा राजनीतिक पार्टि र गैरसरकारी संस्थाका बैठक तथा कार्यक्रम नगर्न माग गरेका छन ।