अर्घाखाँची राष्ट्रसेवक अधिकृत समाजकाे तृतिय अधिवेशन साधारण सभा तथा वनभोज कार्यक्रम सम्पन्न (तस्बिर सहित)

अधिवेशनवाट भौतिक पूर्वाधार तथा यातायात मन्त्रालयका सचिव मधुसुदन अधिकारीको अध्यक्षतामा विभिन्न क्षेत्रवाट प्रतिनिधित्व हुने गरी दुई कार्यकालका लागी २३ सदस्यीय कार्यसमितीको गठन गरिएको छ । उक्त अधिवेशनवाट ‘अर्घाखाँची राष्ट्रसेवक अधिकृत समाज’को नाम ‘अर्घाखाँची राष्ट्रसेवक समाज’ मा परिवर्तन गर्नेगरी संशोधन सहित विधान पारित गरिएको छ । हालसम्म उक्त संस्थामा अधिकृत स्तरको राष्ट्रसेवक मात्र सदस्य वन्न सक्ने प्रावधान भएकोमा अवदेखि सवै स्तर र तहका राष्ट्रसेवक कर्मचारी समाजको सदस्य वन्न पाउने भएका समाजका सचिव बिष्णुराज बेल्बासेले जानकारी दिनुभयो ।  

कार्यक्रममा २९ जना सर्जकहरूको लेख रचनावाट तयार पारिएको ’अर्घाखाँची चक्षु’ नामक स्मारिका समेत विमोचन गरिएको छ । सोही अवसरमा पदोन्नति हुने र बिद्यावारिधि गर्ने ४२ व्यक्तिलाइ वधाई सहित सम्मान गरिएको थियो ।

कार्यक्रम समाजका अध्यक्ष तथा भौतिक पूर्वाधार तथा यातायात मन्त्रालयका सचिव मधुसुदन अधिकारीको अध्यक्षता, समाजका सचिव तथा अर्घाखाँचीका सहायक प्रमुख जिल्ला अधिकारी विष्णुराज वेल्बासेको सञ्चालनमा सम्पन्न भएको थियो । उक्त कार्यक्रममा  विभिन्न क्षेत्रका विभिन्न तहका भण्डै २ सय राष्ट्रसेवकहरूको विशेष उपस्थीति रहेको थियो ।