गणेश बेल्वासे संगम
खयरभट्टी, अर्घाखाँची वैशाख २। अर्घाखाँचीको शितगंगा ११ सिद्धारा स्थित जनदिवा युवा क्लब खयरभट्टीले नयाँ वर्षको अवसर पारी आईतबारका दिन साँस्कृतिक कार्यक्रम सम्पन्न गरेको छ । समाज परिवर्तन र संस्कृतिको संरक्षणका लागि विभिन्न अवसर पारी विगतका वर्षहरू देखि क्लबको पहलमा कार्यक्रम आयोजना हुदै आएको क्लबका अध्यक्ष सरोज आलेले बताए । कार्यक्रमलाई भव्य रुपमा सम्पन्न गर्न सबैले सहयोग गरेको आयोजकले बताएको छ ।
साँस्कृतिक कार्यक्रमबाट सुपा देउराली निर्माणको लागि २०,०००आर्थिक सहयोग रकम संकलन भएको छ ।
युवाहरु एकजुट भई समाज परिवर्तन सगैँ संस्कृतिको संरक्षणका लागि ुुधार्मिक स्थल हाम्रो शान, मन्दिर निर्माण हाम्रो अभियानुु भन्ने मूल नारा सहित सांस्कृतिक कार्यक्रम गरिएको आयोजकले बताएको छ । साँस्कृतिक कार्यक्रममा क्लबका स्थानिय कलाकारहरूले पुराना संस्कृति झल्किने नृत्य प्रस्तुती राखेका थिए ।
कार्यक्रम सरोज आलेको अध्यक्षता, वार्ड नं। ११ का वार्ड अध्यक्ष कपिल आलेको प्रमुख अतिथ्यता तथा अर्घाखाँचीका सामाजिक अभियान्ता गणेश बेल्बासेको विशिष्ट आतिथ्यतामा सम्पन्न भएको थियो । कार्यक्रममा वार्ड नं११ अर्न्तगतका छिमेकी गाँउहरुबाट दर्शकहरुको उपस्थित रहेको थियो ।
बैशाख ३ गते, २०७६ मा प्रकाशित
