अर्घाखाँचीमा पत्रकार महासंघ अर्घाखाँचीको १ घण्टे धर्ना र विरोध पत्र बुझाउने कार्यक्रम सम्पन्न (तस्बिर सहित)

सन्धिखर्क, अर्घाखाँची (अर्घाखाँचीडट्कम) । नेपाल पत्रकार महासंघ अर्घाखाँचीको जिल्ला प्रशासन कार्यालय अर्घाखाँचीमा १ घण्टे धर्ना र विरोध पत्र बुझाउने कार्यक्रम सम्पन्न भएकाे छ । 

देशमा विद्युतीय काराेबार एेनकाे दफा ४७ र ४८ अन्तरगत पत्रकारलाई पटक पटक पक्राउ गर्ने क्रम बढेकाेले उक्त दफाकाे खारेजीकाे माग र पाेखराका पत्रकार अर्जुन गिरि सहित पक्राउ परेका पत्रकारहरूकाे बिनासर्त रिहाईकाे माग गर्दै आज बिहीवार जिल्ला प्रशासन कार्यालयमा धर्ना कार्यक्रमको आयोजना गरेको हो । 

पोखराका पत्रकार अर्जुन गिरीलाई पक्राउ गरी विद्युतिय कारोबार ऐन अन्तर्गत मुद्दा लगाइएको विरोधमा नेपाल पत्रकार महासंघले आज देशभर आन्दोलन गरेको छ । 

महासंघ केन्द्रिय कार्यालयले आज बिहान ९३० देखि १०३० सम्म जिल्ला शाखामार्फत जिल्लामा एक घन्टा धर्ना दिने र महासंघ केन्द्रीय समितिले गृह र सञ्चार मन्त्रालयमार्फत विरोधपत्र बुझाउने कार्यक्रम तय गरेको थियो।

सोही कार्यक्रम अन्तर्गत अर्घाखाँचीमा पनी आज १ घन्टा जिल्ला प्रशासन कार्यलयमा धर्ना दिईएको छ ।  विद्युतिय कारोबार ऎनको दफा ४७ र ४८ को खारेजी तथा गिरफ्तार गरिएका पत्रकारहरुको रिहाइको माग गर्दै जिल्ला प्रशासन अर्घाखाँचीमा धर्ना दिईएको पत्रकार महासंघका जिल्ला अध्यक्ष हिम बहादुर जिसी लेकालीले जानकारी दिनुभयो । साथै धर्ना कार्यक्रम पश्चात दफा ४७ र ४८ को खारेजी तथा पत्रकारहरुको रिहाइको माग गर्दै प्रमुख जिल्ला अधिकारी प्रेमलाल लामिछाने मार्फत सरकारलाई पत्रकार महासंघको टोलीले ज्ञापनपत्र बुझाएको छ ।

थप आन्दोलनका कार्यक्रमबारे महासंघको भोलि बस्ने केन्द्रीय समिति बैठकले निर्णय गर्नेछ ।

बिद्युतीय कारोबार ऐनको दफा ४७ र ४८ खारेज गरियोस भन्ने बारेको

ध्यानाकर्षण पत्र