सवारीसाधन दुर्घट्नाको प्रमुख कारण पुराना गाडी

सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा पछिल्लो समय सवारी साधन दुर्घट्नाका घटना बढेका छन् । 

दुर्घट्नाको प्रमुख कारण पुराना सवारीसाधन र साबधानी नपुराउदा भएको देखिएको छ । कपिलवस्तु जिल्लाको कृष्णनगरबाट अर्घाखाँची जिल्लाको सदरमुकाम आउँदै गरेको कृष्णनगर यातायातको  जीप सुपा देउरालीमा  दुर्घट्नाको कारण पनि पुरानो र कन्डिसनमा  नै नभएको देखिएको छ । 

बिहीवार सुपादेउरालीमा जीप दुर्घट्ना कारण पुरानो थोत्रो गाडी भएको घाइते यात्रुहरुले बताएका छन् । जहाँकी जीप उकालो सडकमा चढन् नसकेर ओट राख्दा राख्दै दुर्घटना भएको यात्रुले बताएका छन्। ओट राख्न प्रयास गरेका यात्रु सकुशलै छन्। उकालो बाटोमा जीपको कन्डिसन खराब भई दुर्घटना भएको प्रहरीले जनाएको छ । स्रोतका अनुसार उक्त जीप हप्तैपिच्छे मरमत गरि चलाऊदै आईएको थियो । 

यसअघि गत २०७६ जेष्ठ ८ गते मंगलवार सुपा देउरालीमा दर्शन गरेर फर्कँदै गरेको बस शितगंगा नगरपालिका–२, भुवनपाटा (सुपा खाेला पुलमा) मा दुर्घट्ना हुँदा २५ जना घाइते भएका थिए ।         

अर्घाखाँचीमा ६७ प्रतिशत दुर्घटना चालकको लापरबाहीबाट हुने गरेको छ । यस्तै, १६ प्रतिशत दुर्घटना पुराना सवारीसाधनका कारण हुने गरेका प्रहरीको भनाई छ ।  अर्घाखाँचीमा पुराना सवारीसाधन चल्न बन्देज गर्ने चर्चा लामो समय देखि हुँदै आएमा पनि सम्बन्धित निकाय मौन छ । 

ग‍ोरूसिङगे-सन्धिखर्क सडकखण्डको सितापुर – सुपादेउराली मन्दिरनजिकै बिहीबार जिप दुर्घटना हुँदा २ जनाको घटनास्थलमै मृत्यु भएको छ भने १ जनाको ठाडा प्राथमिक स्वास्थ्य केन्द्रमा उपचारको क्रममा मृत्यु भएको छ। 

 कपिलवस्तुको कृष्णनगरबाट सन्धिखर्क जाँदै गरेको

कृष्णनगर यातायातको  लु १ ज १३२९ नम्बरको जिप सडकबाट अनुमानित ३२५ मिटर तल भिरबाट खसेर दुर्घटनाग्रस्त भएको थियाे। मृतककाे शव पोष्टमार्टका लागि जिल्ला अस्पताल सन्धिखर्क लगिएको छ। उक्त जिपमा ९ जना सवार थिए ।