अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम ) । अर्घाखाँची जिल्लाको सन्धिखर्कमा यही कार्तिक २२ गते हरिबोधनी एकादशीको अवसरमा सार्वाजनिक विदा दिएको छ ।
सन्धिखर्क नगरपालिकाले एक सुचना जारी गरी कार्तिक २२ गते हरिबोधनी एकादशीको अवसरमा सार्वाजनिक विदा दिएको जनाएको हो ।
उक्त दिन सन्धिखर्कमा रहेका सरकारी कार्यालय, शिक्षण संस्था, वार्ड कार्यालय लगायतका निकायमा सार्वाजनिक विदा दिएको छ ।
कार्तिक २२ गते हरिबोधनी एकादशी दिन सन्धिखर्कमा एकादशी मेला, दर्शनार्थी र भैलो खेल्नेहरुको घुइँचो लाग्ने गर्दछ । तिहारको अन्तिम दिन हरिबोधनी एकादशीका अवसरमा अर्घाखाँचीको सन्धिखर्क लगायत जिल्ला भर तुलसीको पूजा गरी हर्षउल्लाहसका साथ मनाइन्छ ।
कार्तिक २० गते, २०७६ मा प्रकाशित
