अर्घाखाँचीका ६ स्थानीय तहलाई २ अर्ब ६८ करोड ८ लाख बजेट विनियोजन (कसले कति पायो हेर्नुस्)

सन्धिखर्क,  अर्घाखाँची (अर्घाखाँचीडट्कम) । सरकारले आगामी आर्थिक वर्ष २०७७/७८ को कुल बजेटबाट अर्घाखाँची जिल्लाको ६ स्थानीय तहको लागि  २ अर्ब ६८ करोड ८ लाख  छुट्याएको छ । 

जसमध्ये सन्धिखर्क नगरपालिकाको लागि सबैभन्दा बढी ६० करोड १९ लाख र छत्रदेव गाउँपालिकाले कम ३५ करोड १९ लाख अनुदान  पाएको छ ।

त्यस्तै शितगंगा नगरपालिकाले ४९ करोड १६ लाख, भूमिकास्थान नगरपालिकाले ४० करोड ८५ लाख, पाणिनी गाउँपालिकाले ४३ करोड ४५ लाख र मालारानी गाउँपालिकाले ३९  करोड २४  लाख अनुदान  पाएका छन् ।  अर्घाखाँचीडट्कम

जिल्लाका स्थानीय तहले आ व २०७७/७८ का लागि समानीकरण , ससर्त,  विशेष र समपुरक अनुदान गरी देहायबमोजिम रकम प्राप्त गरेका छन् ।