मालारानीका पुरुषको कोरोना परिक्षणको रिपोर्ट मागेर बुटवल अस्पतालले भर्ना नगर्दा ज्यान गयो

खनदह, अर्घाखाँची  २९ जेठ २०७७  । अर्घाखाँची जिल्लाको मालारानी गाउँपालिकाको क्वरेण्टीनमा बसेर उपचारको लागि बुटबल गएका पुरुषको मृत्यु भएको छ ।

 मालारानी गाउँपालिका ४ ब्याडापाटाको सार्वजनिक आधारभूत विद्यालयमा रहेको क्वरेण्टीनमा बसेका ५७ वर्षीय पुरुषको उपचारका लागी मंगलबार स्वास्प्रश्वासमा समस्या देखिएपछि जिल्ला अस्पताल अर्घाखाँची पुगेको र अर्घाखाँची अस्पतालले सामान्य उपचार पश्चात प्रादेशि अस्पताल बुटवल रिफर गरेको थियो ।

तर बिरामिलाई प्रादेशिक अस्पतालले कोरोना जाचँको रिपोर्ट भए मात्र गेट भित्र जान नदिएको मृतकका आफन्त प्रकाश खनालले बताए । ‘प्रादेशिक अस्पतालले कोरोना जाचँको रिपोर्ट मागेपछि कोरोना अस्पताल लगेका थियौ त्यहाँ पनि कोरोना जाचँको रिपोर्ट मागेपछि स्थानीय किल्नीकमा देखाएर औषधी दिएर घर फर्कदै गर्दा बाटोमानै घटना भयो । ’भारतको मुम्बईबाट आउनुभएका उहाँ क्वारेण्टीनमा बस्दै आउनुभएको थियो । उहाँको जेष्ठ २३ गते श्वाब संकलन गरि जाचँको लागी प्रादेशीक प्रयोगशाला भैरहबामा पठाईएको मालारानी गाउँपलिकाका स्वास्थ्य संयोज भबिश्वर खनालले बताए । ‘ उहाँ निमोनियाको रोगी भन्ने थाह पाएपछि हामिले स्वाब संकलन गरेका थियौ ।

’ अस्पतालले कोरोनाको रिपोर्ट खोजेर भर्ना गर्न नमान्नु दुःखद र अमानबिय व्यबहार भएको मालारानी मृतकका आफन्त प्रकाश खनालले भने । ‘जिल्ला अस्पतालले प्रादेशिक अस्पतालमा रिफर गरेपछि भर्ना गर्नुको साटो पिसीआर रिपोर्ट माग्नु दुखद हो । यस बिषयमा छानबिन गर्नको लागी सरोकारवालाई आग्रह समेत गर्दछु । यसरी सबै बिरामीको कोरोना जाचँको रिपोर्ट माग्ने हो भने त कोरोना बिशेष अस्पतालको के काम भयो ? । ’ अहिले मृतकको सब व्यबस्थापन कसरी गर्ने भन्ने बिषयमा समेत अन्योल भएको छ । यो समाचार तयार पार्दा सम्म मृतकको सब व्याबस्थापको समेत टुङ्गो लागेको छैन ।

मृतका दाजु भाई र छिमेकिहरुले पिसीआरको रिपोर्ट आएपछि मात्रै सदगद गर्ने बताएको प्रमुख जिल्ला अधिकारी बिजयराज पौडेलले बताए । ‘हामिले पिसीआरको रिपोट आउन ठिला हुन सक्दछ निर्देशिका अनुसार सब व्यबस्थापन गर्न सुझाब दिएका छौ । उहाँहरु रिपोर्टको पर्खाइमा हुनुहुन्छ ।