अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँचीमा मंगलवारसम्म १८७ जनाले कोरोना जितेर घर फर्केका छन् । २४ घण्टामा ११५ जना डिस्चार्ज भएका हुन् ।
जसमा सन्धिखर्क नगरपालिकामा ३९ जना, शितगंगा नगरपालिकामा ५५, भूमिकास्थान नगरपालिकामा १९, मालारानीमा ५२, पाणिनी गाउँपालिकामा ५ र छत्रदेव गाउँपालिकामा १७ जना गरि अर्घाखाँचीमा हाल सम्म १८७ जनाले कोरोनालाई जितेका छन् ।
अर्घाखाँची जिल्लामा संक्रमितको संख्या ३ सय २१ पुगेको छ । जसमा सन्धिखर्क नगरपालीकामा ४३ जना, शितगंगा नगरपालीकामा ६४ जना, भुमिकास्थान नगरपालिकामा १०५ जना ,मालारानी गाउँपालीकामा ६८ जना, पाणिनी गाउँपालिकामा १४ जना र छत्रदेब गाउँपालीकामा २७ जना गरी ३ सय १२ जनामा संक्रमण देखिएको जिल्ला प्रशासन कार्यालय अर्घाखाँचीले जानकारी दिएको छ ।
साथै भुमिकास्थान, शितगंगा र मालारानीका १/१ जना गरी ३ जनाको ज्यान गईसकेको छ ।
यसैविच अर्घाखाँचीमा मंगलवारसम्म ३ सय ८९ जना बिभिन्न क्वारेन्टाईनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेकोमा अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले ३ सय ८९ मा झरेको हो ।
यस्तै मंगलवार दिउँसो ३ बजेसम्ममा २४ घण्टामा १ जना बिभिन्न क्वारेन्टाईनमा भित्रिएका छन् । अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वारेन्टाईन स्थापना गरि भारत लगायतका ठाउँबाट आएकाहरुलाई क्वारेन्टाईनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
मंगलवारसम्म जिल्लाका बिभिन्न स्थानका आईसोलेशनमा १३१ जना संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
आषाढ़ २३ गते, २०७७ मा प्रकाशित
