अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाका अधिकांश विद्यालय क्वारेन्टिन मुुक्त भएका छन् । सरकारले भदौ १ गतेदेखि विद्यार्थी भर्ना र भदौ १५ देखि विद्यालय सञ्चालनको तयारी थालेसंगै अर्घाखाँचीका सामुदायिक विद्यालय क्वारेन्टिन मुक्त हुँदै गएका हुन् ।
अर्घाखाँचीमा जनस्वास्थ्य तथा सुरक्षासम्बन्धी मापदण्ड पालना गर्ने गरी विद्यालय सञ्चालनको तयारी गरीएको छ ।
पाँच महिनापछि भदौ १५ गतेबाट सञ्चालनको तयारी थालिएसंगै यहाँका सामुदायिक विद्यालय क्वारेन्टिन मुक्त हुँदै गएको शिक्षा विकास तथा समन्वय इकाई अर्घाखाँचीले बताएको छ ।
अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वारेन्टिन स्थापना गरेका थिए ।
जिल्लाका ६ वटा स्थानीय तहले आफ्नो पालिका भित्र पर्ने विभिन्न सामुदायिक विद्यालय सहित स्वास्थ्य संस्था, सामुदायिक भवन लगायतलाई क्वारेन्टिन निर्माण गरेका थिए ।
मालारानी र पाणिनी गाउँपालिका अहिले क्वारेन्टिन मुक्त भइसकेका छन् ।
उता अर्घाखाँचीमा मंगलबारसम्म ८७ जना बिभिन्न क्वारेन्टाईनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेकोमा अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले ८७ मा झरेको हो । यस्तै जिल्लाका बिभिन्न क्वारेन्टाईनबाट २४ घण्टामा १ जना डिस्चार्ज भएका छन् ।
अर्घाखाँचीमा मंगलबारसम्म ३२२ जनाले कोरोना जितेर घर फर्केका छन् । भने २ जना उपचाररत छन् ।
जसमा सन्धिखर्क नगरपालिकामा ४३ जना, शितगंगा नगरपालिकामा ६४, भूमिकास्थान नगरपालिकामा १०६, मालारानीमा ६७, पाणिनी गाउँपालिकामा १४ र छत्रदेव गाउँपालिकामा २८ जना गरि हाल सम्म ३२२ जनाले कोरोनालाई जितेका हुन् ।
यस्तै अर्घाखाँचीमा संक्रमितको संख्या ३ सय २७ पुगेको छ । जसमा सन्धिखर्क नगरपालिकामा ४४ जना, शितगंगा नगरपालिकामा ६६, भूमिकास्थान नगरपालिकामा १०७, मालारानीमा ६८, पाणिनी गाउँपालिकामा १४ र छत्रदेव गाउँपालिकामा २८ जना गरि अर्घाखाँचीमा हाल सम्म ३२७ जना संक्रमित रहेका छन् ।
यस्तै मंगलबार दिउँसो ३ बजेसम्ममा २४ घण्टामा १ जना बिभिन्न क्वारेन्टाईनमा भित्रिएका छन् । अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वारेन्टाईन स्थापना गरि भारत लगायतका ठाउँबाट आएकाहरुलाई क्वारेन्टाईनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
मंगलबारसम्म जिल्लाका बिभिन्न स्थानका आईसोलेशनमा २ जना संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
श्रावण २१ गते, २०७७ मा प्रकाशित
