जुकेनाकी बाल गायिका रूजु घिमिरेको दसैं गीत “आउन बाबा आउ” सार्वजनिक

जुकेना, अर्घाखाँची (अर्घाखाँचीडट्कम ) । अर्घाखाँची जिल्लाको शितगंगा नगरपालिका वार्ड नम्बर ६ जुकेनाकी बाल गायिका रूजु घिमिरेको दसैं गीत  “आउन बाबा आउ” सार्वजनिक भएको छ ।

जुकेना घर भएका गायक खुमराज घिमिरेकी १० वर्षिय छोरी बालगायिका रूजु घिमिरेको दसैं गीत  ‘आउन बाबा आउ’ शुक्रबार सार्वजनिक भएको हो ।

उक्त म्युजिक भिडियो गायक खुमराज घिमिरेकोनै युट्युब च्यानलबाट सार्वजनिक भएको छ ।

गीतमा दशैं आउँदै गर्दा परदेशमा रहेरका बाबाहरुको  सम्झनामा कथावस्तुमा आधारित छ । गीतमा स्वर, शब्द, परिकल्पना गायक खुमराज घिमिरेको रहेको छ । यस्तै गीतको संगित संयोजन लक्षु प्रकाश मल्लको रहेको छ ।

साथै गीतमा अभिनय बाल गायिका रूजु घिमिरे, सिद्धार्थ घिमिरे, खुमराज घिमिरे, शोभा पौडेल, पुनराम पौडेल, प्रभात बेल्बासे, रिया बेल्बासे, रजनिश, परिनितीको रहेको छ । र छाँयाङ्कन सुरेश श्रेष्ठका साथै विष्णु शर्माको सम्पादनमा, प्रकाश भट्टको निर्देशन रहेको छ । भिडियोको दृश्य निर्माण साही भिजन प्रालिले गरेको छ ।