बाँगी खाेला- ढाेरपाटन सडक- कर्णमारे जाेडने माेटरेवलपुलको उर्जा मन्त्री रायमाझीद्धारा शिलान्यास (फोटो फिचर)

उर्जा,जलश्राेत तथा सिंचाइ मन्त्री टाेपबहादुर रायमाझीले बाँगी खाेलामा  दुई पुलकाे शिलान्यास गर्नु भएकाे हो । उहाँले   लुम्बिनी प्रदेश सरकार भाैतिक पूर्वाधार विकास मन्त्रालय अन्तर्गत जिल्ला सडक पूर्वाधार विकास कार्यालय द्वारा निर्माण हुन लागेका पुलकाे शिलान्यास गर्नु भएकाे हाे । १ कराेड ६० लाख ८४ हजार लागतमा निर्माण हुन लागेकाे माटे-कविरा रामपथ सडक पुल र १ कराेड ५९ लाख ७० हजार लागतमा निर्माण हुन लागेकाे ढाेरपाटन सडक देखि कर्णमारे जाेडने सडक पुलकाे शिलान्यास गर्नु भएकाे हाे । कार्यक्रममा बाेल्दै मन्त्री रायमाझीले जिल्लामा विकास निर्माणले तीब्रता पाएकाे भन्दै यहाँकाे विकासले राष्ट्रिय स्तरमा चर्चा पाएकाे बताउनुभयाे । 

उहाँले थुप्रै राष्ट्रिय महत्त्वका सडकहरू निर्माणले समृद्धिकाे आधार तय गरेकाे बताउनुभयाे । उहाँले कृषि, पर्यटन र जलविद्युतकाे माध्यमबाट राेजगारी सिर्जना गरिने भन्दै प्रचुर मात्रामा रहेका  संभावनाहरूलाई उजागर गर्दै जाने बताउनुभयाे । २ सय ८१ मेगावाट क्षमताकाे  बहुप्रतिक्षित नाैमुरे  जलविद्युत आयाेजना  निर्माणकाे कार्यले गति लिने भन्दै पर्याप्त बजेट विनियोजन गरेर निर्माणकाे कार्यलाई अघि बढाइने बताउनुभयाे ।   रायमाझीले आफू र  पार्टीका सांसदहरूले  गरेकाे विकासबाट अतालिएर  पछिल्लो समयमा केहि विकास बिराेधी तत्त्वले भ्रम सिर्जना गरेपनि जनता भ्रमकाे पछि नलाग्ने बताउनुभयाे ।