अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा नेपाली कांग्रेसको १४ औं जिल्ला अधिवेशन स्थल टुडीखेलमा पाँच दिनपछि सरसफाई भएको छ ।
कांग्रेसको १४ औं जिल्ला अधिवेशन स्थल सन्धिखर्कको टुडीखेल मैदानमा तिव्र आलोचना भएपछि पाँच दिनपछि सरसफाई भएको हो ।
कांग्रेसको कार्यक्रम स्थल सन्धिखर्कको टुडीखेलमा उद्घाटन समारोह मंसिर ६ गते सोमवार सम्पन्न भएको ५ दिनसम्म सरसफाई नभएपछि ब्यापक आलोचना भएको थियो ।
सन्धिखर्कको टुडीखेलमा आज शुक्रवार नवनिर्वाचित जिल्ला सभापती केशव श्रेष्ठ, पुर्व जिल्ला सभापती कमल प्रसाद भुसाल लगायतको उपस्थितीमा सरसफाई गरिएका थिए ।
टुडीखेलमा कांग्रेसको १४ औं जिल्ला अधिबेशनको उद्घाटन समारोह मंसिर ६ गते सोमवार सम्पन्न भएको थियो । भने मंगलवार जिल्ला समिती र महाधिवेशन प्रतिनिधीहरुको निर्वाचन सम्पन्न भएको थियो ।
तस्बिरहरु: फेसबूकबाट
मंसिर १० गते, २०७८ मा प्रकाशित
