स्थानीय तह निर्वाचन (छेस्का कविता)

ज्ञान बहादुर क्षेत्री
(१) चुनाव लक्ष 
          लोकतन्त्रको 
             सुन्दर पक्ष ।
(२) पछिल्ला दिन
          चुनाव बारे
             विवाद किन?
(३) कुरा छन् जाली
          स्थानीय तह
              नराख खाली ।
(४) भ्रम छरेर
          हुँदैन जाली
              कुरा गरेर ।
(५) मिलाउ स्थिति
          घोषणा गर
              चुनाव मिति ।
(६) समझदारी
          सबै दलको
               हो जिम्मेवारी ।
(७) समय टर्छ 
          सहमतिमा
              आउनै पर्छ ।
(८) जाने छौ खेर
          दलीय स्वार्थ
               मात्र हेरेर ।
(९) राखेर तर्क
          चुनावबाट 
              पछि नफर्क।
(१०) नहिड भागी
          जनतामाझ
              जानका लागि ।
(११) ढिलो नगर
           चुनाव मिति 
                घोषणा गर ।
(१२) चुनाव टर्छ
            हार वा जीत 
               स्वीकार्नु पर्छ । 
(१३) अरू चाहिन्न
            मताधिकार
                खोस्न पाईन्न ।
(१४) पाइन्छ  गाली
           स्थानीय तह
               भैदिए खाली ।
(१५) लाउ पगरी
            समयभित्र 
                 चुनाव गरी । 

अन्य समाचारहरु

मेरी आमाको त्याग र तपस्या !

जेबी दर्लामीको उपन्यास ‘मारीखोलाको ढुंगो’ सार्वजनिक

काँध फेर्ने कि नेता ? ( लघु कथा )

काँध फेर्ने कि नेता ? ( लघु कथा )

काँध फेर्ने कि नेता ? ( लघु कथा )

आज महाकवि देवकोटाको ११५ औँ जन्म जयन्ती मनाइँदै