मोरङ । मोरङ्गको पथरीशनिश्चरे नगरपालिका–७ लामाटोलस्थित एक बालिकाको अज्ञात व्यक्तिले रातको करिब १० बजेतिर घाँटीमा धारिलो हतियार प्रहार गरी विभत्स हत्या गरेको छ ।

खोटाङ जिल्ला एसेलुखर्क गाउँपालिका–६ स्थायी घर भएकी १५ वर्षीया ज्ञानुमती राईको हत्या गरिएको हो । दुई वर्ष अगाडिदेखि फुपूको छोरा दाजु पर्नेको घरमा बसेर पञ्चायत माविमा कक्षा ७ मा अध्ययन गर्दै आएकी बालिकाको टाउको र शरीर छुट्टिने गरी हत्या भएको प्रहरीले जनाएको छ ।