आषाढ़ १ गते, २०८२ मा प्रकाशित
काठमाडौं, १ असार । इरान र अमेरिकाबीचको आणविक वार्ता अन्तिम समयमा रद्द भएको छ । इरान र इजरायलबीच जारी द्वन्द्वका बीच इरान र अमेरिकाबीचको आणविक वार्ता अन्तिम समयमा रद्द भएको हो ।
यो वार्ता आइतबारका लागि तय गरिएको थियो । यसअघि अमेरिका र इरान बिच आणविक बार्ता पटक पटक भएको थियो, जसलाई दुबै पक्षले सकारात्मक रूपमा अर्थ्याउँदै आएका थिए ।
तर, बार्ता जारी रहेको बेला अचानक गत शुक्रबार इजरायलले इरान माथी हमला गरेर त्यसका प्रमुख सैन्य कमाण्डरसहित आणविक बैज्ञानिकहरूलाई मारिदिए पछि मध्यपुर्व थप अशान्त बन्न पुगेको बेला यो बार्ता भाँडिएको हो ।
ओमानका विदेशमन्त्री बद्र अल्बुसैदीले सामाजिक सञ्जाल पोस्टमार्फत बार्ता स्थगित भएको जानकारी दिएका हुन् । अल्बुसैदीले अगाडी भने– ‘कूटनीति र संवाद नै दिगो शान्तिको एक मात्र उपाय हो ।’
अन्य समाचारहरु
