आषाढ़ १० गते, २०८२ मा प्रकाशित
काठमाडौँ । इजरायली सरकारले इरानमाथिको आक्रमणको ‘उद्देश्यहरू प्राप्त’ गरेको बताएको छ ।
इजरायली सरकारले युद्धविरामको कुनै पनि उल्लङ्घनको कडा जवाफ दिने बताउदै इजरायलले इरानबाट आणविक हतियार र ब्यालिस्टिक क्षेप्यास्त्रको दोहोरो खतरा हटाएको बताएको छ ।
इजरायलले भनेको छ- ‘इरानको सैन्य नेतृत्वमा उल्लेखनीय क्षति पुर्याएको छ र दर्जनौं इरानी सरकारी साइटहरू नष्ट गरेको छ र अर्को एक वरिष्ठ आणविक वैज्ञानिकको हत्या गरेको छ । इजरायलले इरानी आणविक खतरा हटाउन अमेरिकी समर्थन र साझेदारीको लागि राष्ट्रपति ट्रम्पलाई धन्यवाद दिन्छ ।’
प्रधानमन्त्री बेन्जामिन नेतान्याहूले सोमबार राति रक्षामन्त्री, आइडिएफ प्रमुख कर्मचारी र मोसादका निर्देशकसँग सुरक्षा मन्त्रिपरिषद्को बैठक बोलाएका थिए । यस बैठकमा इजरायलले अपरेशन राइजिङ लायनका सबै उद्देश्यहरू प्राप्त गरेको निष्कर्ष निकालिएको थियो ।
अपरेशन राइजिङ लायन मार्फत, इजरायलले ऐतिहासिक उपलब्धिहरू हासिल गरेको र विश्वका प्रमुख शक्तिहरूको पहिलो श्रेणीमा आफूलाई स्थापित गरेको निष्कर्ष इजरायलले निकालेको छ ।
अन्य समाचारहरु
