आषाढ़ २१ गते, २०८२ मा प्रकाशित
काठमाडौँ । अमेरिकी राष्ट्रपति डोनाल्ड ट्रम्पले कर र खर्च कटौती गर्ने बहुचर्चित ‘बिग ब्युटिफुल बिल’ मा हस्ताक्षर गरेका छन् । यससँगै यो बिल अब कानून बनेको छ ।
यस बिलमा हस्ताक्षर गर्न एक विशेष समारोह आयोजना गरिएको थियो । यस अवधिमा धेरै लडाकु जेटहरू आकाशमा स्टिल्थ बी-२ बमवर्षकहरूसँगै उडेका थिए ।
यो बिल यसअघि शुक्रबार अमेरिकी संसदको तल्लो सदनले पारित गरेको थियो । विधेयकको समर्थनमा २१८ जनाले मतदान गरे भने विपक्षमा २१४ जनाले मतदान गरेका थिए । ट्रम्पको आफ्नै पार्टीका दुई सांसद थोमस मेसी र ब्रायन फिट्जप्याट्रिकले यस बिलको विपक्षमा मतदान गरेका थिए ।
यो बिल अमेरिकी संसदको माथिल्लो सदन सिनेटमा ३ दिनअघि मात्र ५०-५१ को साँघुरो अन्तरले पारित भएको थियो । सिनेटमा यस बिलमा मत बराबर भएपछि उपराष्ट्रपति जेडी भान्सले यस बिलमा निर्णायक मतदान गर्नुपरेको थियो ।
मस्कले यस बिलका बारेमा कडा प्रतिक्रिया दिदै आएका छन् । उनले ट्रम्पको यो विधेयकले अमेरिकामा लाखौं रोजगारी समाप्त गर्ने र देशलाई ठूलो रणनीतिक क्षति पुर्याउने बताउदै आएका छन् ।
अन्य समाचारहरु
