भाद्र १३ गते, २०८२ मा प्रकाशित
-शालिकराम आचार्य ,ओमान ।
ओमान – वैदेशिक रोजगारीका लागि ओमान पुगेका नेपाली दाजुभाई दिदीबहिनीहरू गत शुक्रबार तीजका गीतहरूमा छमछमी नाचेको देख्दा एकदमै रमाइलो लागेको थियो।
ओमनको राजधानी मस्कट स्थित अल्कुरुम जङ्गल रेस्टुरेन्टको पार्टी हलमा सम्पन्न कार्यक्रम नेपाली महिला समूह ओमानद्वारा आयोजना गरिएको थियो ।
झपक्क शरीर भरी गहनाहरुले झकीझकाउ भएका दिदीबहिनीहरू रातो सारीमा सजिएर एकदमै उत्साहित भएर तीजका गीतहरु र अन्य गीतहरूमा छमछमी नाच्दा आफूले भोगिरहेका दुःख र पीडाहरू भुलेर एक आपसमा खुसियाली साटासाट गरिरहेका थिए ।
कार्यक्रम उद्घाटन भएको लगभग एक घण्टा ढिला गर्दै भएपनि परिवारसहित कार्यक्रम हलमा पुग्दा नेपालमै भएसरी नेपाली रङमा सजिएका नेपाली दाजुभाई दिदीबहिनीहरू लाई देख्दा सबै दुःखहरू भुलेर नाच्न मात्रै मन लाग्यो।
ओमानमा रहेका स्थानीय कलाकारहरूलाई समेटेर तयार पारिएको कार्यक्रममा एक दर्जनभन्दा धेरैले गायक, गायन तथा नृत्य गरी मनोरञ्जन गरेका थिए ।
उक्त कार्यक्रमको अध्यक्षता समूहकी अध्यक्ष मादी गुरुङको थियो भने प्रमुख अतिथिमा नेपाली राजदूतावास ओमानका महामहिम राजदुत डोरनाथ अर्याल तथा श्रीमती स्वदेश अर्याल हुनुहुन्थ्यो भने ओमानस्थित संघ संस्थाका प्रतिनिधिहरू को पनि आतित्य रहेको थियो भने गोमा थापाद्वारा सञ्चालन गरिएको थियो।
कार्यक्रममा प्रस्तुत दिने कलाकारहरूलाई तथा सहयोग गर्ने सहयोगी र प्रायोजकहरूलाई सम्मान गरी सम्मानपत्र तथा मायाको चिनो प्रदान गरिएको थियो ।
थप तस्बिर:
अन्य समाचारहरु
