आर्माससँग स्काइडाइभिङ गर्दै विवाह गर्ने योजनामा टम क्रुज

काठमाडौँ । हलिउड स्टार टम क्रूज र अभिनेत्री एना डे आर्मास आफ्नो सम्बन्धलाई अगाडि बढाउन तयार रहेको  रिपोर्ट बाहिर आएको छ । दुवैले स्काइडाइभिङ गर्दै एकअर्कासँग विवाह गर्ने तयारी गरेको बताइएको छ ।

राडारअनलाइनका अनुसार, टम क्रूज र एना डे आर्मास आफ्नो विवाहलाई ‘मिसन: इम्पोसिबल स्टन्ट जत्तिकै शानदार बनाउन चाहन्छन् । दुवैले आधिकारिक रूपमा अझै इन्गेजमेन्ट गरेका छैनन्, तर उनीहरूले विवाह गर्ने विचार गरिरहेका छन् ।

उनीहरूलाई जोड्ने कुरा भनेको उनीहरूको साहसिक कार्यप्रतिको प्रेम हो । टम पहिले नै भव्य विवाहको विचार गरिरहेका छन् । उनी अन्तरिक्ष यात्राको ठूलो प्रेमी हुन् । त्यसैले, उनी अन्तरिक्षमा आफ्नो विवाह गर्न चाहन्छन् र त्यसो गर्ने पहिलो जोडी बन्न चाहन्छन् । उनीहरूले स्काइडाइभिङको बारेमा कुरा गरेका छन्, जहाँ उनीहरूले हावामा विवाह गर्नेछन् ।

६३ वर्षीय टम ३७ वर्षीया एना डे आर्माससँगको आफ्नो सम्बन्धको गोप्य नै राखेका छन् । उनीहरू यस वर्षको सुरुमा एकसाथ भेटेका थिए र त्यसबेलादेखि नै राम्रो सम्बन्धमा रहेको बताइएको छ । जुलाईमा, उनीहरू यात्रा गर्दा हात समातेर बसेको देखिएपछि दुवै एकसाथ रहेको अड्कलबाजी शुरु भएको थियो । मे महिनामा, आर्मासले गुड मर्निङ अमेरिकामा क्रूजसँग घनिष्ठ सम्बन् रहेको बताएकी थिइन् । उनले आफ्नो सम्बन्धलाई रमाइलो’ भनेर वर्णन गरिन् र उनीहरू केही परियोजनाहरूमा काम गरिरहेको बताइन् । यसले सम्बन्धको हल्ला फैलायो ।

टम क्रूजले १९९० मा अभिनेत्री निकोल किडम्यानसँग विवाह गरे । उनीहरूले दुई बच्चाहरूलाई धर्मपुत्र लिए । उनीहरू फेब्रुअरी २००१ मा अलग भए ।