आश्विन १६ गते, २०८२ मा प्रकाशित
काठमाडौँ । आज विजया दशमीअर्थात् दुर्गापक्षको मुख्य दिन । नवदुर्गाको प्रसादका रूपमा आज मान्यजनको हातबाट शुभ साइतको प्रतीक रातो टीका एवं समृद्धिको प्रतीक जमरा लगाइँदै छ । दसैँ घर वा पूजा कोठामा नौ दिनसम्म पूजा आराधना गरिएको प्रसाद आज मान्यजनबाट लगाइन्छ ।
टीका प्रसाद ग्रहण गर्न साइत खोज्नेका लागि नेपाल पञ्चाङ्ग निर्णायक विकास समितिले आज बिहान ११ बजेर ५३ मिनेटमा साइत उत्तम रहेको जनाएको छ । साथै समितिले टिका लगाउनेले पुर्व फर्केर टिका लगाउने समतिले उल्लेख गरेको छ ।
विजयादशमी आफैँमा शुभ दिन भएकाले आज टीका लगाउन सामान्य मानिसले साइत खोज्नु नपर्ने मान्यतासमेत रहेको छ । आज बिहान ९ बजेर २३ बजे देवी बिसर्जनको साइत रहेको समितिले जनाएको छ ।
त्यस्तै समितिले आज १२ बजेर १९ मिनेटमा तुलजाभवानी यात्रा र दिउसो १ बजे १७ मिनेटमा स्थिरासन खड्गयात्राको शुभसाइत रहेको जानकारी दिएको छ ।
अन्य समाचारहरु
