आश्विन १९ गते, २०८२ मा प्रकाशित
भूमिकास्थान-२,ढाकावाङ्ग हाटबजार- नेकपा मसाल अर्घाखाँचीका पार्टी सदस्य हुमकान्त पुजाली (कमरेड न्यूपाने) को निधन भएको छ । भूमिकास्थान-२,ढाकावाङ्ग हाटबजार निवासी पुजालीकाे बुटवल अस्पतालमा उपचारको क्रममा आइतबार निधन भएको हो ।
६८ बर्षिया पुजालीकाे राष्ट्रिय जनमोर्चा अर्घाखाँचीको पार्टी कार्यालयमा कम्युनिस्टको झण्डा ओढाएर सम्मान सहित अन्तिम श्रद्धाञ्जली दिइएको छ ।
नेकपा(मसाल)अर्घाखाँचीका जिल्ला प्रवक्ता पशुपति ढकालले पुजालीकाे पार्थिव शरीरमा पार्टीको झण्डा ओढाएर सम्मान सहित श्रद्धाञ्जली दिनुभएको बताइएको छ ।
राष्ट्रिय जनमोर्चा अर्घाखाँचीका नेता जीवनारायण खनालको संचालनमा सम्पन्न शोकसभामा राष्ट्रिय जनमोर्चाका नेता शेर बहादुर वि.सी.,यमलाल पोख्रेल लगायतका नेता, कार्यकर्ता तथा शुभचिन्तक र आफन्तजनले पुजालीलाई श्रद्धाञ्जली दिएका थिए ।
स्वर्गीय पुजालीकाे आइतबार नै भुमेकाथान घाटमा अन्त्येष्टि गरिएको छ। स्वर्गीय पुजालीलाई अन्तिम श्रद्धाञ्जली दिनका निम्ति भुमेकाथान घाटमा राष्ट्रिय जनमाेर्चा अर्घाखाँची जिल्ला सदस्य तथा भूमिकास्थान-२ का वडाध्यक्ष बुद्धिबहादुर थापा, राजमाे जिल्ला सदस्य बाबुराम खनाल, राजमाे भूमिकास्थान -२ का अध्यक्ष नारायणप्रसाद खनाल
प्रगतिशील पत्रकार संघ नेपालका केन्द्रीय सदस्य जितेन्द्र खत्री, रुपन्देही जिल्ला सचिव टेकराज भुसाल सहित विभिन्न राजनितीक दलका नेताकार्यकर्तालाई तथा स्थानीयकाे व्यापक उपस्थिति रहेको थियो।
स्वर्गीय पुजालीका २ छोरी र १ छोरा हुनुहुन्छ। स्वर्गीय पुजालीले गोर्खा लाहारी प्रालि हेटौंडा मार्फत लोकप्रिय स्टोर्स भूमिकास्थान नगरपालिका–२ ढाकावाङ्गमा कार्यरत कर्मचारी समेत हुनुहुन्थ्यो।
अन्य समाचारहरु
