कार्तिक १६ गते, २०८२ मा प्रकाशित
काठमाडौँ । अमेरिकी राष्ट्रपति डोनाल्ड ट्रम्पले आप्रवासीहरूमा नयाँ नियम लागु गरेका छन् । आप्रवासी कामदारहरूले अब स्वचालित रुपमा वर्क परमिट नविकरण नहुने भएको छ । अक्टोबर ३१ देखि, वर्क परमिट नविकरणका लागि रोजगार प्राधिकरण कागजात आवश्यक पर्ने नियम लागु भएको छ ।
यो आदेशले लाखौं आप्रवासीलाई असर गर्ने अपेक्षा गरिएको छ । रोजगार प्राधिकरण कागज कामदारको कम्पनीले जारी गर्ने गर्दछ । यसअघि यदि कुनै कामदार ३-४ वर्षदेखि कार्यरत छ भने, वार्षिक रूपमा स्वचालित रुपमा नविकरण हुने व्यवस्था रहेको थियो । तर अब, नयाँ व्यवस्था अनुसार कम्पनीले जारी गर्ने रोजगार प्राधिकरण कागजको आधारमा मात्र वर्क परमिट नविकरण हुने भएको छ ।
त्यस्तै एच- १ बी, ग्रीन कार्ड, एल- १बी (कम्पनी स्थानान्तरण), ओ (प्रतिभा भिसा), वा पी (घटना-आधारित भिसा) भिसामा अमेरिका आउने आप्रवासीहरू नयाँ नियमबाट प्रभावित हुने छैनन् । तिनीहरूको यसअघिकै जस्तै स्वचालित रुपमा नै नवीकरण हुने छ ।
यसअघि जो बाइडेनले रोजगार प्राधिकरण कागज जारी नगरेकाहरुका लागि २०२४ सम्म ५४०-दिनको ग्रेस अवधि प्रदान गरेका थिए । यस अवधिमा आप्रवासी कामदारहरूले नयाँ जागिर पाउन सक्थे, तर ट्रम्प प्रशासनले अब यो व्यवस्था हटाएको छ ।
अन्य समाचारहरु
