कार्तिक १६ गते, २०८२ मा प्रकाशित
काठमाडौँ । नेकपा एमालेको ११ औं महाधिवेशन काठमाडौंमा हुने भएको छ । शनिवार गुण्डुस्थित अध्यक्ष केपी शर्मा ओलीको निवासमा बसेको सचिवालय बैठकले यस्तो निर्णय गरेको हो । यसअघि बसेको केन्द्रिय कमिटीको बैठकले ११ औं राष्ट्रिय महाधिवेशन पोखरामा गर्ने निर्णय गरेको थियो । तर आजको बैठकले स्थान परिवर्तन गरेर काठमाडौंमा गर्ने निर्णय गरेको पार्टीका उपमहासचिव प्रदीप ज्ञवालीले बताउनु भयो ।
एमालेको महाधिवेशन मंसिर २७ गतेदेखि २९ गतेसम्म गर्ने निर्णय भइसकेको छ । महाधिवेशनका लागि ६ लाख ६७ हजार ६ सय ३० पार्टी सदस्यबाट विभिन्न अनुपातमा प्रतिनिधि चयन गर्ने बताउनु भयो । प्रतिनिधि चयन आगामी मंसिर १३ गते शनिवार देशभर एकसाथ हुने बताउनु भयो । प्रतिनिधिहरुको विवरण मंसिर १५ गते साँझसम्म केन्द्रिय कार्यालयमा पठाइसक्नुपर्ने बताउनु भयो ।
प्रतिनिधि चयनका लागि प्रतिनिधि सभा निर्वाचन क्षेत्रलाई आधार मानिएको बताउनु भयो । एउटा प्रतिनिधि सभा निर्वाचन क्षेत्रमा १ हजार २ सय पार्टी सदस्य बराबर दुई जना खुला, एक जना महिला, एक जना ४० वर्ष मुनिका युवा गरेर हरेक निर्वाचन क्षेत्रबाट कम्तिमा ४ जना निर्वाचित हुने बताउनु भयो । त्यसबाहेक अरेक ८ सय सदस्य संख्या थपिँदै जाँदा थप एक जना प्रतिनिधि चुनिने र त्यसमध्ये महिला अनिवार्य हुने बताउनु भयो । प्रतिनिधिमा न्युनतम एक तिहाई महिला सहभागिता गराउने दाबी गर्नुभयो । दलित पार्टी सदस्यहरुको हकमा उनीहरुका लागि जिल्ला निर्वाचनको इकाइ हुने र हरेक पाँच सय दलित प्रतिनिधिमध्येबाट एक जना प्रतिनिधि निर्वाचित हुने बताउनु भयो । आरक्षित क्षेत्रबाट (ट्रेड युनियन) मा प्रदेशलाई इकाई मानिएको र प्रदेशमा रहेका ट्रेड युनियनका पार्टीमा कार्यरत पार्टी सदस्यहरुमध्येबाट दुई जना महिला र पाँच जना खुला गरेर सात जना हरेक प्रदेशबाट निर्वाचित हुने बताउनु भयो । २३ वटा पार्टीका जनसंगठनबाट दुई जना महिला र तीन जना अनिवार्य हुने बताउनु भयो ।
महासंघीय ढाँचाका ६ वटा जनसंगठनबाट थप ७ जना प्रतिनिधि रहने बताउनु भयो । पार्टीका ३२ वटा विभागहरुबाट हरेक विभागबाट एक जना र केन्द्रिय कार्यालयबाट एक जना चयन हुने बताउनु भयो । पार्टीका प्रदेश कमिटीबाट तीन जना खुला र दुई जना महिला गरी पाँच जना निर्वाचित हुने र प्रवासमा रहेका ६ वटा महादेशस्तरका संगठनबाट हरेकबाट पाँच जनाका दरले निर्वाचित हुने बताउनु भयो । ९ सय ७० तल्लो संगठनहरुबाट, विशेष जिल्लाहरुबाट ४७, दलितबाट ८१, ट्रेड युनियनबाट ४९, प्रवासबाट ३०, केन्द्रिय विभाग र कार्यालयबाट ३३, जनसंगठनबाट १२७ गरी करिव २ हजार १ सय सदस्य हुने बताउनु भयो । पदेनमा केन्द्रिय कमिटीबाट ३ सय ५४ जना, अनुशासनबाट २९, लेखाबाट ३०, निर्वाचनबाट २५ जना, सल्लाहकारबाट २५ जना गरी ४ सय ६४ जना पदेन प्रतिनिधि रहने बताउनु भयो ।
संविधानको रक्षा र लोकतन्त्रको जगेर्नाका लागि जनपरिचालन गर्ने योजनाअनुसार देशभरका ६ हजार ७ सय ४३ वटै वडामा आगामी कार्तिक २२ गते जनभेला, कार्तिक २५ गते प्रत्येक पालिकामा प्रदर्शन गर्ने, प्रत्येक जिल्लामा कार्तिक २९ गते जनसभा गर्ने र काठमाडौंमा मंसिर ६ गते जनसभा गर्ने निर्णय भएको बताउनु भयो । विधान महाधिवेशनबाट आएका सुझावहरुलाई परिमार्जन गरी कार्तिक २० गतेसम्म अन्तिम रुप दिने निर्णय भएको बताउनु भयो । -एजेन्सी
अन्य समाचारहरु
