मंसिर १३ गते, २०८२ मा प्रकाशित
काठमाडौँ । अष्ट्रेलियाले इरानको ‘रिभोलुसनरी गार्ड कोर्प्स’ लाई राज्य-प्रायोजित ‘आतंकवादको समर्थक’ घोषणा गरेको छ ।
अष्ट्रेलियाको गुप्तचर एजेन्सी, एसएसआइओद्वारा गरिएको मूल्याङ्कन पछि यो निर्णय गरिएको हो । इरानको ‘रिभोलुसनरी गार्ड कोर्प्सले अष्ट्रेलियाको यहूदी समुदायविरुद्ध आक्रमण गरेको थियो ।
अष्ट्रेलियाको विदेश विभाग, गृह मामिला विभाग र महान्यायाधिवक्ताद्वारा जारी संयुक्त विज्ञप्तिमा अक्टोबर २०२४ मा सिड्नीको लुइस कन्टिनेन्टल किचेन र डिसेम्बर २०२४ मा मेलबर्नको एडास इजरायल सिनागोगमा भएका आक्रमणहरू अष्ट्रेलियाको बहुसांस्कृतिक समाज भित्र विभाजन सिर्जना गर्ने र डर जगाउने उद्देश्यले गरिएको निष्कर्ष निकालेको छ ।
अष्ट्रेलियाले २०२५ मा फौजदारी संहितालाई आफ्नो दायरा भित्र राज्य-प्रायोजित आतंकवादलाई समावेश गर्न संशोधन गरेको थियो । यी परिवर्तनहरूले सरकारलाई राज्य-प्रायोजित आतंकवादविरुद्ध कारबाही गर्न अनुमति दिएको छ ।
यस नयाँ ढाँचा अन्तर्गत, रिभोलुसनरी गार्ड कोर्प्स अष्ट्रेलियाले यो सूचीमा थपेको पहिलो शक्ति हो । यसको समावेशसँगै, यससँगको सबै व्यवहार अब अपराधीकरण गरिनेछ ।
रिभोलुसनरी गार्ड कोर्प्स इरानको इस्लामिक रिभोलुसनरी गार्ड कोर्प्स हो । यो १९७९ को इस्लामिक क्रान्ति पछि स्थापित एक शक्तिशाली सैन्य बल हो, जसलाई इरानको क्रान्ति र उपलब्धिहरूको रक्षा गर्ने जिम्मेवारी दिइएको छ ।
यसले इरानका सर्वोच्च नेता, अयातोल्लाह अली खामेनीलाई सिधै रिपोर्ट गर्छ र आफ्नो सेना, नौसेना, वायुसेना र गुप्तचर एकाइहरू मार्फत आन्तरिक र बाह्य खतराहरूलाई सम्बोधन गर्छ ।
अन्य समाचारहरु
