युनुस नेतृत्वको सरकारले हिंसालाई बढावा दियो- हसिना

काठमाडौँ । बंगलादेशकी पूर्व प्रधानमन्त्री शेख हसिनाले मोहमद युनुस नेतृत्वको सरकारले हिंसालाई बढावा दिएको आरोप लगाएकी छन् । भारतीय समाचार एजेन्सी एएनआईसँगको लिखित अन्तर्वार्तामा हसिनाले युनुसको शासनकालझनै खराब भएको भन्दै देश अराजकतामा बदलिएको बताएकी हुन् ।

उनले भनेकी छन्- ‘हादीको हत्या दुखद घटना हो । यो हत्याले मेरो सरकारलाई ढाल्ने अराजकतालाई उजागर गर्दछ र युनुसको शासनकालमा झनै खराब भएको छ । हिंसा सामान्य भएको छ, जबकि अन्तरिम सरकारले या त यसलाई स्वीकार गर्न अस्वीकार गर्छ वा यसलाई रोक्न असफल हुन्छ । यस्ता घटनाहरूले बंगलादेशलाई भित्रबाट अस्थिर बनाउँछ, साथै हाम्रा छिमेकीहरूसँगको हाम्रो सम्बन्धलाई पनि, जो उचित चिन्ताका साथ हेरिरहेका छन् । जब तपाईं आफ्नो सिमाना भित्र आधारभूत व्यवस्था कायम राख्न सक्नुहुन्न, अन्तर्राष्ट्रिय मञ्चमा तपाईंको विश्वसनीयता हराउँछ। यो युनुसको बंगलादेशको वास्तविकता हो ।’

साथै हसिनाले अवामी लिग बिनाको चुनाव चुनाव नहुने बताउदै त्यो राज्याभिषेक हुने टिप्पणी गरेकी छन् । उनले युनुसले बंगलादेशका जनताको एक मत बिना शासन गरिरहेको आरोप लगाउदै नौ पटक निर्वाचित पार्टीलाई प्रतिबन्ध लगाउन चाहेको बताएकी छन् ।

साथै उनले आफूविरुद्ध घोषणा गरिएको सजाय न्याय नभएर राजनीतिक प्रतिशोध भएको बताएकी चाहन ।

उनले भनेकी छन्- ‘यो निर्णयको न्यायसँग कुनै सम्बन्ध छैन र यो विशुद्ध रूपमा राजनीतिक प्रतिशोधको मामला हो । मलाई आफ्नो बचाउ गर्ने अधिकारबाट वञ्चित गरियो, न त मलाई मेरो रोजाइको वकिल प्रदान गरियो । अवामी लिग विरुद्ध प्रतिशोधात्मक कारबाही गर्न न्यायाधिकरण प्रयोग गरिएको थियो । यद्यपि, मैले बंगलादेशका संस्थाहरूमा विश्वास गुमाएको छैन । हाम्रो संवैधानिक परम्परा बलियो छ, र जब वैध शासन पुनर्स्थापित हुन्छ र हाम्रो न्यायपालिकाले आफ्नो स्वतन्त्रता पुन: प्राप्त गर्छ, न्याय विजयी हुनेछ ।’