पौष १८ गते, २०८२ मा प्रकाशित
-केशब पन्थी , अर्घाखाँची डटकम।
सन्धिखर्क,अर्घाखाँची – नेपाल एसबिआई बैंक लिमिटेडले आफ्नो ३२औँ वार्षिक साधारणसभाको अवसरमा सन्धिखर्क नगरपालिका वडा नं. १ मा रहेको निर्मल नवज्योति सुस्त मनस्थिति विद्यालयलाई शैक्षिक तथा फर्निचर सामग्री सहयोग गरेको छ।
आज आयोजित सामग्री वितरण कार्यक्रममा वडा अध्यक्ष माधव श्रेष्ठ, बैंक शाखा प्रमुख लक्ष्मण न्यौपाने, प्रधानाध्यापक कमला भुसाल, सन्धिखर्क नगरपालिका प्राविधिक जगत खनाल, र बैंकका कर्मचारीहरूको उपस्थिती थियो। कार्यक्रममा विद्यालयका विद्यार्थी र अभिभावकहरूको उत्साहित सहभागिता रहेको थियो।
कार्यक्रमको सहजीकरण एसबिआई बैंक सन्धिखर्क शाखाका अपरेसन इन्चार्ज श्रीकृष्ण पोखरेलले गर्नुभएको थियो। बैंकका प्रतिनिधिहरूले आफ्नो सामाजिक उत्तरदायित्व (CSR) अन्तर्गत शिक्षा क्षेत्रलाई प्राथमिकतामा राख्दै यस्ता सहयोग कार्यक्रमहरू निरन्तर सञ्चालन गर्दै आएको जानकारी दिएका छन्।
विद्यालयका विद्यार्थीहरूले शैक्षिक तथा फर्निचर सामग्री प्राप्त गरेपछि खुशी व्यक्त गर्दै बैंकको पहलको सराहना गरेका छन्। यस प्रकारको सहयोगले विद्यार्थीहरूको शैक्षिक वातावरण सुधारमा महत्वपूर्ण योगदान पुर्याउने विश्वास व्यक्त गरिएको छ।
नेपाल एसबिआई बैंकले यसरी शिक्षा र समाजका हरेक क्षेत्रको विकासमा आफ्नो भूमिका निर्वाह गर्दै आइरहेको छ।
थप तस्बिर :
अन्य समाचारहरु
