पौष २५ गते, २०८२ मा प्रकाशित
काठमाडौँ – नेपाल टेलिकमले प्रिपेड मोबाइल प्रयोगकर्ताहरूका लागि आफ्नो सिम कार्डलाई आफ्नो नाममा गर्ने सुविधा अनलाइनमार्फत उपलब्ध गराएको छ। यसबाट ग्राहकहरूले सजिलै KYC (Know Your Customer) अद्यावधिक गर्न सक्नेछन्।
नेपाल टेलिकमका अनुसार, प्रिपेड सिम कार्ड स्वामित्व हस्तान्तरणका लागि अनलाइन फाराम भर्ने प्रक्रिया सुरु भइसकेको छ। ग्राहकहरूले KYC अद्यावधिक गर्नका लागि आवश्यक कागजातहरू जस्तै नेपाली नागरिकताको प्रमाणपत्रको प्रतिलिपि, हालसालै प्रयोग भएका पाँच नम्बरहरू, र पासपोर्ट साइजको फोटो अनिवार्य रूपमा पेश गर्नुपर्नेछ।
कम्पनीले प्रयोगकर्तालाई आजै अनलाइन फाराम भर्न आग्रह गरेको छ, जसले गर्दा भविष्यमा सेवामा सहजता, सुरक्षा र पारदर्शिता सुनिश्चित हुने विश्वास गरिएको छ। यस नयाँ सुविधा मार्फत मोबाइल प्रयोगकर्ताले आफ्नो सिम कार्डलाई कानूनी रूपमा आफ्नो नाममा गर्न सक्नेछन् र मोबाइल सेवा प्रदायकसँगको सम्बन्ध अझ विश्वासिलो बन्नेछ।
नेपाल टेलिकमको यो कदमले डिजिटल सेवाको पहुँच र प्रयोगकर्ताको सुविधा दुवैमा सुधार ल्याउने अपेक्षा गरिएको छ।
यस्तो छ प्रकृया:
नेपाल टेलिकमको प्रिपेड मोबाइल प्रयोगकर्ताहरूका लागि आफूले प्रयोग गरिरहेको सिम कार्डलाई आफ्नो स्वामित्वमा ल्याउन सकिने गरी अनलाइन फारम विकास गरेको छ।
आजै फाराम भरी आफ्नो KYC अद्यावधिक गर्नुहुन अनुरोध छ।
आवश्यक कागजात र विवरण:
१. नेपाली नागरिकताको प्रमाणपत्रको प्रतिलिपि,
२. हालसालै कुराकानी गरिएको पाँचवटा नम्बर
३. पासपोर्ट साइजको फोटो
#NepalTelecom #PrepaidSIM #KYCUpdate #DigitalNepal #MobileService #Arghakhanchi #arghakhanchicom
अन्य समाचारहरु
