माघ १७ गते, २०८२ मा प्रकाशित
अर्घाखाँची – परम्परागत चुनावी सभा र भाषणको शैलीलाई चुनौती दिँदै अर्घाखाँचीका युवाहरूले ‘डिजिटल’ माध्यमबाट उम्मेदवारहरूलाई जबाफदेही बनाउने नवीन अभियान सुरु गरेका छन्। ‘जेन-जी शितगंगा’ (Gen-Z Shitganga) नामक युवा समूहले आसन्न फागुन २१ को प्रतिनिधिसभा निर्वाचनलाई लक्षित गरी “उम्मेदवारसँग सिधा प्रश्न” कार्यक्रम सञ्चालन गरिरहेको छ।
यसै अभियान अन्तर्गत आगामी शनिबार माघ १७ गते (जनवरी ३१, २०२६) राति ८:०० बजे नेकपा (एमाले) का उम्मेदवार पिताम्वर भुसालसँग विशेष अन्तरक्रिया हुने भएको छ।
यो समूहले यसअघि नै राष्ट्रिय स्वतन्त्र पार्टीका हरि प्रसाद भुसाल र नेपाली कांग्रेसका विष्णु प्रसाद खनाल ‘मुस्कान’सँग गम्भीर र नीतिगत बहस गरिसकेको छ। अहिलेका युवाहरू केवल ताली बजाउन र झण्डा बोक्नमा मात्र सीमित छैनन् भन्ने सन्देश यो अभियानले दिएको छ। उनीहरूले गुगल फारम मार्फत सर्वसाधारणका जिज्ञासा संकलन गरिरहेका छन् भने संसारभर रहेका शितगंगावासीलाई गुगल मिट (Google Meet) मार्फत जोड्ने व्यवस्था मिलाएका छन्।
आयोजकले यो कार्यक्रम कुनै दल विशेषको नभई साझा नागरिकको प्लेटफर्म भएको बताएका छन्। कार्यक्रममा सहभागी हुनका लागि निम्न विवरण सार्वजनिक गरिएको छ:
भदौ २३-२४ को युवा आन्दोलन र त्यसपछिको राजनीतिक चेतले शितगंगाका युवाहरूलाई थप संगठित बनाएको देखिन्छ। उम्मेदवारहरूले अब केवल आश्वासन दिएर मात्र पुग्ने छैन, बरु तथ्य र तथ्याङ्कमा आधारित भएर युवाका प्रश्नको सामना गर्नुपर्नेछ। यो अन्तरक्रियाले अर्घाखाँचीको समग्र निर्वाचनको माहोललाई थप रोचक र अर्थपूर्ण बनाउने अपेक्षा गरिएको छ।
#जेनजीशितगंगा #डिजिटलकडाप्रश्न #एमाले #उम्मेदवारभुसाल #राजनीति #निर्वाचन #ArghakhanchiCom #Arghakhanchidotcom #ArghakhanchiComHD
अन्य समाचारहरु
