🔴 चुनावी रफ्तार बढाउँदै कांग्रेस अर्घाखाँची, विष्णु ‘मुस्कान’को प्रचार अभियान तीव्र। (तस्बिर सहित )

अर्घाखाँची । आगामी निर्वाचनलाई लक्षित गर्दै नेपाली कांग्रेस अर्घाखाँचीले आफ्नो चुनावी गतिविधिलाई तीव्र बनाएको छ। प्रतिनिधि सभा सदस्यका उम्मेदवार **विष्णु प्रसाद खनाल ‘मुस्कान’**लाई विजयी बनाउने लक्ष्यसहित कांग्रेस अर्घाखाँची सक्रिय रूपमा प्रचार–प्रसार र संगठन परिचालनमा जुटेको हो।

चुनावी अभियानलाई थप व्यवस्थित र प्रभावकारी बनाउन कांग्रेस अर्घाखाँचीले सन्धिखर्कस्थित बी.पी. स्मृति भवनमा जिल्ला स्तरीय निर्वाचन सम्पर्क कार्यालय तथा निर्वाचन सचिवालय सञ्चालनमा ल्याएको छ। उक्त कार्यालयबाट जिल्लाभरि चुनावी गतिविधि, प्रचार–प्रसार, जनसम्पर्क र संगठन परिचालनलाई एकीकृत रूपमा अघि बढाइने पार्टीले जनाएको छ।

कांग्रेस अर्घाखाँचीका अनुसार प्रतिनिधि सभातर्फ उम्मेदवार खनाललाई विजयी बनाउने र समानुपातिकतर्फ समेत अधिकतम मत ल्याई कांग्रेसलाई जिल्लाको पहिलो पार्टी बनाउने लक्ष्यका साथ सचिवालय सञ्चालनमा ल्याइएको हो।

निर्वाचन सचिवालय संयोजकको जिम्मेवारी पार्टीका सचिव कृष्ण खनाललाई दिइएको छ भने सदस्यहरूमा कोषाध्यक्ष विष्णु क्षेत्री र सहसचिव मेघराज पाण्डे रहेका छन्।

सम्पर्क कार्यालय सञ्चालनसँगै कांग्रेस अर्घाखाँचीको चुनावी अभियान थप सशक्त, संगठित र आक्रामक बन्दै जाने विश्वास व्यक्त गरिएको छ। पार्टीले टोल–टोलमा पुगेर जनसम्पर्क, प्रचार अभियान र संगठन विस्तारलाई अझ तीव्र बनाउने जनाएको छ।

📌 arghakhanchicom | arghakhanchidotcom | arghakhanchicomHD

#ChunabiRafatar #ArghakhanchiCongress #VishnuMuskaan #ElectionCampaign #Sandhikharka #BPsmritiBhawan #CongressCampaign #arghakhanchicom #arghakhanchidotcom #arghakhanchicomHD