‘टेल मी लाइज’ की अभिनेत्री कैट मिसल समलैंगिक भएको खुलासा

काठमाडौँ । लोकप्रिय हलिवुड टेलिभिजन सिरीज टेल मी लाइज की अभिनेत्री कैट मिसलले आफ्नो व्यक्तिगत जीवनबारे खुलासा गर्दै आफू समलैंगिक भएको सार्वजनिक गरेकी छन् । उनले आफू एक महिलासँग सम्बन्धमा रहेको र निजी जीवनमा निकै खुसी रहेको बताएकी छन् ।

अमेरिकी पत्रिका पीपलसँगको कुराकानीमा मिसलले सिरिजमा आफूले निर्वाह गरेको ‘ब्री’ पात्र र आफ्नो वास्तविक जीवनबीच ठूलो फरक रहेको उल्लेख गरेकी छन् । शृङ्खलामा देखाइने जटिल र विषाक्त सम्बन्धको सन्दर्भमा बोल्दै उनले वास्तविक जीवनमा त्यस्ता समस्याको सामना गर्न नपरेको बताइन् । उनले आफू समलैंगिक भएकै कारण त्यस्ता अनुभवबाट टाढा रहेको भन्दै उनले राहत महसुस गरेको उल्लेख गरिन् ।

यस क्रममा उनकी जीवनसाथी जेस प्यानेटोन पनि उपस्थित थिइन् । यो जोडी हाल लस एन्जलसमा सँगै बस्दै आएको छ । मिसल सामान्यतः आफ्नो निजी जीवन सार्वजनिक रूपमा साझा नगर्ने गरे पनि उनले पहिलो भेट वेस्ट हलिउडमा आयोजित एक ड्र्याग कार्यक्रममा भएको खुलाइन् । उक्त क्षणलाई सम्झँदै उनले पहिलो भेटमै विशेष अनुभूति भएको बताइन् ।

समाचारअनुसार कैट मिसल र जेस प्यानेटोन सन् २०२० को सुरुआतदेखि सम्बन्धमा छन् । सामाजिक सञ्जालमा उनीहरूले सँगै बिताएका रमाइला क्षणहरू समय–समयमा साझा गर्दै आएका छन् ।

‘टेल मी लाइज’ का तीन सिजन हुलुमा प्रसारण भइसकेका छन् र शृङ्खला समापन भइसकेको छ । कलेज जीवनका जटिल सम्बन्ध र भावनात्मक उतार-चढावमा आधारित उक्त शृङ्खलामा मिसलले ‘ब्री’को भूमिका निर्वाह गरेकी छन् ।

#TellMeLies #CatMissal #HollywoodNews #EntertainmentUpdate #CelebrityNews #LGBTQ #FilmIndustry #GlobalEntertainment #समसामयिकसमाचार #मुख्यसमाचार #NepalNews #EntertainmentWorld #CelebrityUpdate #ArghakhanchiCom #Arghakhanchidotcom #ArghakhanchiComHD