आज मगर दिवस मनाइदै

काठमाडौं । आज ४४औँ मगर एकता दिवस मगर समुदायले देशैभरि विविध कार्यक्रम गरी दिवस मनाउँदै छन् । मगर जातिको अधिकार र अस्तित्वको रक्षाका लागि एकजुट भएर लागेको सम्झना एवं नेपाल मगर संघ स्थापनाका अवसरमा मगर समुदायले प्रत्येक वर्ष फागुन १५ गते यो दिवस मनाइँदै आएका छन् ।

विशेष गरी मगर बाहुल्य क्षेत्रमा विभिन्न कार्यक्रमहरू गरी दिवस मनाउने गरिन्छ । मगर समुदायले जातीय मौलिकतालाई जीवन्त राख्न प्रयत्न गरेको दिन भएकाले सार्वजनिक बिदा दिन सरकारसँग माग समेत गरेका छन् । नेपाल मगर संघले देशका ४३ वटा स्थानीय सरकारले आज सार्वजनिक बिदा दिएको जानकारी दिएको छ ।

२०३९ साल फागुन १५ गते तनहुँ जिल्लाको दमौलीमा देशैभरिका मगरहरु सहभागी भई प्रथम राष्ट्रिय सम्मेलनमार्फत नेपाल मगर संघ स्थापना गरेको दिनलाई मगर समुदायले मगर एकता दिवसको रुपमा मनाउदै आएका छन् ।

राष्ट्रिय जनगणना २०७८ अनुसार नेपालमा मगर समुदायको जनसंख्या ६.९ प्रतिशत अर्थात् २० लाख १३ हजार ४९८ रहेको छ ।

#मगरदिवस #आजकोमगरदिवस #MagarDiwas #MagarCommunity #MagarCulture #NepalMagar #EthnicDay #CulturalCelebration #ProudToBeMagar #arghakhanchicom #arghakhanchidotcom #arghakhanchicomHD