अ बाट आमाले बक्स अफिसमा कमायो करिब १३ करोड

काठमाडौँ । गत साताको नेपाली बक्स अफिसको रिपोर्ट सार्बजनिक भएको छ ।

चलचित्र विकास बोर्डले सार्वजनिक गरेको फागुन ३० गते शनिबारसम्मको बक्स अफिस रिपोर्ट अनुसार अ बाट आमाले बक्स अफिसमा शानदार कमाई गरेको छ ।

माघ १६ गतेदेखि रिलिज भएको आ बाट आमाले बक्स अफिसमा अहिलेसम्म १२ करोड ९९  लाख ३ हजार ८२० कमाई गरेको छ । यस फिल्मका ४ लाख ९७ हजार ९६३ टिकट विक्री भएको बोर्डले जनाएको छ ।

त्यस्तै माघ २३ गतेदेखि रिलिज भएको अर्को फिल्म कुमारीले अहिलेसम्म ६६ लाख १४ हजार कमाएको छ । यस फिल्मको अहिलेसम्म २० हजार ७६२ टिकट बिक्रि भएको छ ।

त्यसैगरी माघ २३ गते नै रिलिज भएको अर्को फिल्म रमिताकी पिरतीले ३० लाख ७० हजार ४५३ कमाई गरेको छ । अहिलेसम्म रमिताकी पिरतीको ९ हजार ९०२ टिकट बिक्री भएको छ ।  त्यस्तै फागुन १५ गते रिलिज भएको प्रवासी जीवनले एक लाख ४४ हजार २७० कमाएको छ ।