कस्तो छ आजको मौसम पूर्वानुमान ?

काठमाडौँ । जल तथा मौसम विज्ञान विभागले हाल देशभर मनसुनी वायुको प्रभाव रहेको जानकारी दिएको छ भने मनसुनको न्यून चापीय रेखा सरदर स्थानको केही उत्तर दिशा तर्फ अवस्थित रहेको जनाएको छ ।

हाल देशभर आंशिक देखि साधारणतया बदली रहेको छ । कोशीको तराईमा र कोशी, बागमती र गण्डकीको केहि पहाडी स्थानहरूमा मेघ गर्जन र चट्याङ्गसहित मेघ गर्जनसहित वर्षा भैरहेको छ ।

आज दिउँसो देशभर आंशिक देखि साधारणतया बदली रहने छ। कोशी, बागमती र गण्डकी प्रदेशका केही स्थानहरू तथा बाँकी प्रदेशका थोरै स्थानहरुमा मेघ गर्जन/चट्याङ्गसहित हल्का देखि मध्यम वर्षाको सम्भावना रहेको छ। कोशी, बागमती र गण्डकीका पहाडी र हिमाली भेगमा एक-दुई स्थानमा भारी वर्षाको पनि सम्भावना रहेको छ ।

त्यस्तै आज राती देशभर आंशिक देखि साधारणतया बदली रहने छ । कोशी, बागमती र गण्डकी प्रदेशका केही स्थानहरुमा बाँकी प्रदेशका थोरै स्थानहरुमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।

बिभागले आजदेखि केहि दिन देशका विभिन्न स्थानमा मेघगर्जन/चट्याङ, असिना र हावाहुरीसहित मध्यम सम्मको वर्षा हुने सम्भावना भएकाले आवश्यक सतर्कता अपनाउन आग्रह गरको छ ।