🎓 २०८२ को SEE परीक्षा तयारी पूरा: अर्घाखाँचीमा SEE परीक्षा २०८२ का लागि सम्पूर्ण तयारी पूरा

अर्घाखाँची – जिल्ला शिक्षा विकास तथा समन्वय इकाइ अर्घाखाँचीले वि.सं. २०८२ को माध्यमिक शिक्षा परीक्षा (SEE) का लागि सम्पूर्ण तयारी पूरा भएको जनाएको छ। चैत १९ गतेदेखि सुरु हुने परीक्षा जिल्लाभरका सबै केन्द्रमा बिहान ८ बजेदेखि एकै समयमा सञ्चालन गरिनेछ।

इकाइ प्रमुख विष्णुप्रसाद बेल्वासेका अनुसार यस वर्ष अर्घाखाँचीबाट कुल ३,०६५ जना विद्यार्थी परीक्षामा सहभागी हुने भएका छन्। जसमा १,४४० जना छात्र र १,६२५ जना छात्रा रहेका छन्।

त्यसमध्ये २,२१० जना साधारण तथा १३२ जना प्राविधिक धारका गरी नियमिततर्फ २,३४२ जना र ग्रेडवृद्धितर्फ ७२१ जना विद्यार्थी सहभागी हुनेछन्।

१४ परीक्षा केन्द्र निर्धारण

परीक्षा सञ्चालनका लागि जिल्लाभर १४ वटा परीक्षा केन्द्र तोकिएका छन्।

व्यवस्थित र मर्यादित परीक्षा सुनिश्चित

परीक्षा मर्यादित, शान्तिपूर्ण र व्यवस्थित बनाउन केन्द्राध्यक्ष, शिक्षक तथा सुरक्षाकर्मी सहित करिब ५ सय जनशक्ति परिचालन गरिनेछ।

आवश्यक सामग्री तयारी पूरा

उत्तरपुस्तिका सबै परीक्षा केन्द्रमा पुर्‍याइसकिएको छ भने प्रश्नपत्रहरू नजिकका प्रहरी चौकीमा सुरक्षित रूपमा राखिएको इकाइले जनाएको छ। अर्घाखाँचीमा SEE परीक्षा सफल र शान्तिपूर्ण रूपमा सम्पन्न हुने विश्वास गरिएको छ।

#SEE #Exam #Arghakhanchi #Students #Education #Nepal #Update #News #ArghakhanchiCom #ArghakhanchiDotCom #ArghakhanchiComHD