खुश्बु ओलीको सरकारलाई प्रश्न- विदेशी ऋण किन लिएको ?

काठमाडौं । राष्ट्रिय प्रजातन्त्र पार्टी (राप्रपा) की सांसद खुश्बु ओलीले सरकारले लिएको विदेशी ऋण बारे प्रश्न उठाएकी छन् ।

सोमबार प्रतिनिधि सभाको बैठकको विशेष समयमा बोल्दै सांसद ओलीले सरकारले एसियाली विकास बैंक र विश्व बैंकबाट ऋणबाट लिएकोप्रति प्रश्न गर्दै संसदीय समितिमा बहस नगरी, नीतिगत बहस र कुन आवश्यकता प्राथमिकिकरण मूल्याङ्कनका आधारमा यो निर्णय गरियो ? भन्दै उनले सरकारले यस विषयमा संसदमा जवाफ दिन माग गरेकी छन् ।

उनले अझै संसदीय समिति र उपसमिति गठन हुन बाँकी रहेको अवस्थामा सरकारले अपारदर्शी निर्णय गरेको भन्दै सो ऋण सरकारले माग गरेको हो कि प्रस्ताव गरिएको हो ? भन्दै प्रश्न गरेकी थिइन् ।