इरानका नयाँ सर्वोच्च नेता गम्भीर बिरामी अवस्थामा उपचारत !

काठमाडौँ । इरानका नयाँ सर्वोच्च नेता मोजतबा खामेनी गम्भीर बिरामी अवस्थामा अस्पतालमा उपचाररत रहेको अन्तर्राष्ट्रिय सञ्चारमाध्यमले जनाएको छ ।

टाइम्सको एक रिपोर्ट अनुसार उनी बेहोस अवस्थामा रहेका छन् र हाल कुम सहरस्थित अस्पतालमा उपचार भइरहेको छ । उक्त जानकारी अमेरिकी र इजरायली गुप्तचर निकायले खाडी मुलुकहरूसँग साझा गरेको कूटनीतिक नोटलाई उद्धृत गर्दै सार्वजनिक गरिएको हो ।

रिपोर्टमा फेब्रुअरी २८ मा भएको हवाई आक्रमणमा उनी गम्भीर घाइते भएका थिए । सोही आक्रमणमा उनका पिता तथा इरानका पूर्व सर्वोच्च नेता अयातुल्ला अली खामेनीको मृत्यु भएको दाबी गरिएको छ ।

घाइते भएपछि मोजतबा खामेनेईको स्वास्थ्य अवस्था अत्यन्त गम्भीर रहेको र हाल देश सञ्चालन गर्न सक्ने अवस्थामा नरहेको उल्लेख गरिएको छ ।

उक्त नोटमा पहिलो पटक उनको अवस्थिति पनि खुलाइएको छ । उनी तेहरानबाट करिब ८७ माइल दक्षिणमा रहेको कुम सहरमा रहेका छन्, जुन शिया मुस्लिमका लागि पवित्र स्थल मानिन्छ ।

साथै, अमेरिकी र इजरायली गुप्तचर निकायलाई उनको अवस्थिति पहिले नै थाहा भए पनि अहिलेसम्म सार्वजनिक नगरिएको पनि रिपोर्टमा जनाइएको छ ।

#इरान #सर्वोच्चनेता #IranLeader #MiddleEast #अन्तर्राष्ट्रियसमाचार #BreakingNews #IranNews #arghakhanchicom #arghakhanchidotcom #arghakhanchicomHD