चैत्र २६ गते, २०८२ मा प्रकाशित
पञ्चायत ढलेको दिन: जनआन्दोलन दिवस मनाइँदै, (प्रजातन्त्रको पुनर्जागरण ,२०४६ चैत २६ गते)
-अर्घाखाँची डटकम।
नेपालमा प्रजातन्त्र पुनर्बहाली भएको दिनको सम्झनामा बिहीबार विभिन्न कार्यक्रम गरी जनआन्दोलन दिवस मनाइँदै छ।
२०४६ चैत २६ गते ३० वर्षीय पञ्चायती शासन व्यवस्थाको अन्त्य गर्दै प्रजातन्त्र पुनःस्थापना भएको सम्झनामा जनआन्दोलन दिवस मनाउने गरिन्छ । २०१७ पुस १ गते राजा महेन्द्रले सुरु गरेको पञ्चायती व्यवस्थाको अन्त्य २०४६ चैत २६ गते भएको थियो।
नेपाली कांग्रेसको नेतृत्वमा वाममोर्चासहित भएको संयुक्त जनआन्दोलनपछि ३० वर्से पञ्चायती व्यवस्थाको अन्त्य भएको थियो। सोही दिनदेखि नेपालमा बहुदलीय शासन व्यवस्था पुनःस्थापना भएको हो। कांग्रेस नेता गणेशमान सिंहको नेतृत्वमा भएको जनआन्दोलन ५० दिनसम्म चलेको थियो।
त्यतिबेला २००७ साल फागुन ७ गते नेपालमा प्रजातन्त्र स्थापना भएको दिनको अवसर पारी २०४६ फागुन ७ गतेदेखि जनआन्दोलन सुरु भएको थियो।
तत्कालीन राजा वीरेन्द्रले देशवासीका नाममा सम्बोधन गर्दै २६ गते बहुदलीय व्यवस्था पुनःस्थापनाको घोषणा गरेका थिए।
#जनआन्दोलनदिवस #प्रजातन्त्र #लोकतन्त्र #NepalHistory #DemocracyDay #arghakhanchicom #arghakhanchidotcom #arghakhanchicomHD
अन्य समाचारहरु
