बराबरीमा रोकिए लिभरपुल र चेल्सी

काठमाडौँ । इङलिश प्रिमियर लिगअन्तर्गत लिभरपुल र चेल्सी बराबरीमा रोकिएका छन् । शनिबार राति सम्पन्न खेलमा लिभरपुल र चेल्सी १-१ गोलको बराबरीमा रोकिएका हुन् ।

खेलको छैटौं मिनेटमा रयान ग्राभेन बर्चको गोलमा अग्रता लिएको लिभरपुलले खेलको ३५औं मिनेटमा अग्रता गुमाएको थियो । खेलको ३५औं मिनेटमा चेल्सीका लागि इन्जो फर्नानडेजले गोल गर्दै खेल बराबरी गरेका थिए ।

यो बराबरीपछि चेल्सीको अर्को सिजनमा च्याम्पियन्स लिगको सम्भावना सकिएको छ । चेल्सी हाल ३६ खेलमा ४९ अंकसहित नवौं स्थानमा रहेको छ । त्यस्तै लिभरपुलको भने ३६ खेलमा ५९ अंक रहेको छ र चौथो स्थानमा रहेको छ ।

त्यस्तै गएराती नै सम्पन्न खेलमा म्यानचेस्टर युनाईटेड र सन्डरल्याण्ड गोलरहित बराबरीमा रोकिएका छन् । यो बराबरीपछि म्यानचेस्टर युनाइटेडको ३६ खेलमा ६५ अंक भएको छ र तेस्रो स्थानमा रहेको छ । त्यस्तै सन्डरल्याण्डको भने ३६ खेलमा ४८ अंक रहेको छ र लिगमा १२औं स्थानमा छ ।