जेष्ठ ३ गते, २०८३ मा प्रकाशित
अर्घाखाँची ।अर्घाखाँची जिल्लाबाट काठमाडौंसम्म सञ्चालन हुँदै आएको दिवा (डाक) सेवा करिब पाँच वर्षपछि पुनः नियमित रूपमा सञ्चालनमा आएको छ । पश्चिम नेपाल बस व्यवसायी प्रालिद्वारा सञ्चालित सुविधा सम्पन्न “मन्त्र एसी बस” आज जेठ ३ गते आइतबारदेखि सन्धिखर्क–काठमाडौं दैनिक दिवा सेवामा सञ्चालनमा आएको हो ।
पश्चिम नेपालबाट चार वटा सुविधा सम्पन्न एसी बस सञ्चालनमा ल्याइएको जनाइएको छ । प्राप्त जानकारीअनुसार सन्धिखर्कबाट बिहान ५:१५ बजे तथा काठमाडौंबाट बिहान ५:४० बजे नियमित रूपमा बस छुट्ने तालिका तय गरिएको छ ।
लामो समयदेखि अर्घाखाँची जिल्लामा यातायात क्षेत्रमा सक्रिय रहँदै आएका व्यवसायीहरूले ग्रामीण भेगका यात्रुहरूलाई सहज, सुरक्षित र स्तरीय सेवा प्रदान गर्ने उद्देश्यका साथ नयाँ आधुनिक एसी बस सञ्चालनमा ल्याएका हुन् ।
नियमित रूपमा सन्धिखर्क बसपार्कबाट छुट्ने उक्त बसले सन्धिखर्क हुँदै पथरकोट, गोरुसिङ्गे, बुटवल लगायतका स्थानका यात्रुहरूलाई काठमाडौंसम्म सहज यात्रा सेवा दिने जनाएको छ । त्यस्तै काठमाडौंबाट पनि दैनिक रूपमा अर्घाखाँचीका लागि सेवा सञ्चालन हुने जानकारी दिइएको छ ।
यात्रुहरूको सुविधालाई मध्यनजर गर्दै आरामदायी सिट, समयमै सेवा, अनुभवी चालक–सहचालक तथा आधुनिक प्रविधिसहितको सेवा उपलब्ध गराइएको व्यवसायीले बताएका छन् । पछिल्लो समय अर्घाखाँचीबाट काठमाडौं आवतजावत गर्ने यात्रुहरूले स्तरीय दिवा सेवाको माग गर्दै आएका बेला “मन्त्र एसी बस” सञ्चालनमा आउनु सकारात्मक रूपमा हेरिएको छ ।
स्थानीय यात्रुहरूले पनि नयाँ सेवा सञ्चालनसँगै अब बिहानै सन्धिखर्कबाट सहज रूपमा काठमाडौं पुग्न सकिने विश्वास व्यक्त गरेका छन् । विशेषगरी विद्यार्थी, कर्मचारी, उपचारका लागि यात्रा गर्ने बिरामी तथा दैनिक यात्रुहरूलाई यस सेवाले ठूलो राहत पुग्ने अपेक्षा गरिएको छ ।
बस सेवा सञ्चालनका लागि अर्घाखाँची बसपार्कमा नयाँ एसी बसहरू आइपुगेका छन् । टिकट अनलाइन माध्यम, मन्त्र शुभ बिहानी सेवा तथा पश्चिम नेपाल बस व्यवसायी प्रालिको टिकट काउन्टरबाट उपलब्ध हुने जनाइएको छ ।
सम्पर्क नम्बर :
☎️ ९८५७०८९६९१
☎️ ९८५७०८९६९२
☎️ ९८५७०८९६९३
☎️ ९८५७०८९६९४
#मन्त्रएसीबस #सन्धिखर्ककाठमाडौं #दिवासेवा #पश्चिमनेपालबस #अर्घाखाँची #काठमाडौंयात्रा #बससेवा #Sandhikharka #Kathmandu #ArghakhanchiNews #Arghakhanchicom #Arghakhanchidotcom #ArghakhanchicomHD
अन्य समाचारहरु
