जेष्ठ १५ गते, २०८३ मा प्रकाशित
टोरोन्टो, १५ जेठ । क्यानडाको टोरन्टो निवासी ४० वर्षीय रामानन पथ्मनाथनलाई संयुक्त राज्य अमेरिकामा ३३ वर्षको जेल सजाय सुनाइएको छ। उनले संयुक्त राज्य अमेरिकाभरि १४५ भन्दा बढी बालबालिकालाई लक्षित गरेर सामूहिक अनलाइन यौन दुर्व्यवहारमा संलग्न भएको पुष्टी भए पछि थप सजायँ दिइएको हो ।
उनीवाट पीडितहरू ६ वर्षका स–साना बालिका पनि थिए। जनवरी ३० मा न्यायाधीशसमक्ष रामाननले आफ्नो दोष स्वीकार गरे पनि उनको सजाय भर्खरै घोषणा गरिएको हो। पथ्मनाथन हाल क्यानडाको जेलमा १२ वर्षको जेल सजाय भोगिरहेका छन्।
कोलम्बिया जिल्लाको लागि अमेरिकी वकिलको कार्यालयले एक प्रेस विज्ञप्तिमा मुद्दाको विवरण प्रदान गरेको छ। अदालतका कागजातहरू अनुसार पथ्मनाथनले कम्तिमा १४५ केटी र केटाहरूलाई सम्पर्क गर्न धेरै सामाजिक सञ्जाल खाताहरू सिर्जना गरेका थिए। उनले मुख्यतया इन्स्टाग्राम र फेसबुक मेसेन्जर प्रयोग गर्थे।
कम्तिमा मार्च २०१४ देखि १० मार्च २०२१ मा उनको गिरफ्तारी भएको दिनसम्म पथ्मनाथनले न्यु जर्सीका किशोर केटाको रूपमा आफुलाई चिनाउँदै दुर्ब्याबहार गर्दथे । र, प्रत्येक घटनामा पथ्मनाथनले गहन षड्यन्त्र रच्थे । उनले नाबालिग केटीहरू र केटाहरूलाई आफूसँग भिडियो च्याट गर्दा यौन क्रियाकलाप गर्न उक्साउँथे ।
उनले उनीहरूलाई आफ्नो गुप्तांगहरू खुलाउन र कुकुर, दाजुभाइ दिदीबहिनी र अन्य आफन्तहरूसँग यौन क्रियाकलापमा संलग्न हुन सिकाउँथे । लगभग सबै भिडियो च्याटहरूमा पथ्मनाथनले यी बालबालिकाहरूलाई आफूले गर्न भनेको कुरा कसरी गर्ने भनेर देखाउन यौन क्रियाकलापमा संलग्न वयस्कहरूको तस्बिरहरू पठाउने काम गर्दथे ।
जब यी नाबालिगहरूले आज्ञा पालन गर्थे, उनले त्यो बेला फोटो खिच्थे र भिडियो रेकर्ड गर्थे। केही पीडितहरू ६ वर्षका मात्र पनि थिए। त्यसपछि यौन यातना दिन सुरु गर्दथे ।
जब नाबालिग पीडितहरूले यौन कार्य जारी राख्न अस्वीकार गर्दथे वा पथमनाथनलाई अवरुद्ध गर्थे तव उनले ती तस्बिरहरू बालबालिकाका साथीहरू वा परिवारलाई पठाउने धम्की दिन्थे ।
अक्टोबर २७, २०२२ मा पथ्मनाथनले क्यानडामा यस्तै अपराधहरूको लागि दोषी स्वीकार गरे पछि १२ वर्षको जेल सजाय सुनाइयो। उनी हाल क्यानडाको जेलमा छन्। तर, पनि अमेरिकाका किशोर किशोरी माथी पनि यस्तै गरेको पुष्टी भए पछि उनलाई अमेरिकी अदालतले पनि थप ३० बर्षको जेल सजायँ सुनाएको हो ।
अन्य समाचारहरु
