जेष्ठ २३ गते, २०८३ मा प्रकाशित
काठमाडौं, २३ जेठ । कोलम्बियाली पप स्टार शकिराले मेक्सिकोमा हुने प्रतियोगिताको उद्घाटन समारोहमा २०२६ को विश्वकपको लागि आफ्नो आधिकारिक गीत प्रस्तुत गर्ने छिन्।
शकिराले जुन ११ बिहीबार मेक्सिको सिटीको एस्टाडियो एज्टेकामा बर्ना ब्वायसँगै ‘दाई दाई..’ प्रस्तुत गर्नेछिन्, जुन प्रस्तुती प्रतियोगिताको १०४ खेलहरू मध्ये पहिलो खेल मेक्सिको र दक्षिण अफ्रिकाले खेल्नु अघि हुनेछ।
‘दाई दाई’ एक इटालियन वाक्यांश जसको अर्थ ‘जाऔं जाऔं वा आउनुहोस’ भन्ने हुन्छ । कोलम्बियाली रेगेटन स्टार जे बाल्भिन र दक्षिण अफ्रिकी गायक÷गीतकार टायलाले पनि मेक्सिकोमा हुने कार्यक्रममा प्रस्तुति दिने छन्।
संयुक्त राज्य अमेरिका, क्यानडा र मेक्सिकोका आयोजक राष्ट्रहरूमा खेलिने प्रत्येक पहिलो खेल अघि उद्घाटन समारोह हुनेछ।
क्यानडाले जुन १२, शुक्रबार बोस्निया र हर्जेगोभिनासँग खेल्नु अघि क्यानेडियन गायक–गीतकार माइकल बुबल र एलानिस मोरिसेटले टोरन्टोको बिएओ फिल्डमा उद्घाटन समारोहको नेतृत्व गर्ने छन्। संयुक्त राज्य अमेरिकामा पप स्टार केटी पेरी र र्यापर फ्युचरले शुक्रबार १३ जुन शनिबार लस एन्जलसको सोफी स्टेडियममा पाराग्वे विरुद्धको संयुक्त राज्य अमेरिकाको खेल अघि प्रस्तुति दिने छन्।
शकिरा, म्याडोना र के–पप ब्वाय ब्यान्ड बिटिएस सँगसँगै १९ जुलाईमा यस गर्मीको विश्वकप फाइनल, न्युयोर्कमा सुपर बाउल–शैलीको हाफ–टाइम शोको सह हेडलाइन पनि गर्ने छन्।
२०२६ फिफा विश्वकपको फाइनल मेटलाइफ स्टेडियममा हुनेछ, जसलाई फिफाले ‘न्यूयोर्क न्यू जर्सी स्टेडियम’ भनेर चिनाएको छ । फाइनल खेल १९ जुलाई आइतबार हुनेछ, जहाँ ८२ हजार ५०० दर्शकले प्रत्यक्ष हेर्न सक्ने छन् ।
अन्य समाचारहरु
