जेष्ठ ३१ गते, २०८३ मा प्रकाशित
मुम्बई, ३१ जेठ । आमिर खानको फिल्म ‘लगान’ को २५ औं वार्षिकोत्सव र आमिर खान प्रोडक्सनको २५ औं वार्षिकोत्सवको अवसरमा मुम्बईमा एक उत्सव कार्यक्रम आयोजना गरिएको थियो।
शनिबार भएको कार्यक्रममा सलमान खान, करिना कपूर र रेखा लगायत धेरै प्रमुख बलिउड सेलिब्रेटीहरूको उपस्थित रहेको थियो ।
सलमान खान कार्यक्रममा नयाँ अल्ट्रा–सर्ट कपालको नयाँ लुकमा आएका थिए, जसले सबैको ध्यान खिचेको थियो। सामाजिक सञ्जालले उनको लुकलाई फिल्म ‘तेरे नाम’ झै फरक दृष्टीकोणवाट उनको हेयरस्टाइलसँग तुलना गरिरहेका छन् ।
जब आमिर र सलमान उत्सवको क्रममा पोज दिइरहेका थिए, पापाराजीहरूले उनीहरूलाई क्यामेरा हेर्न आग्रह गरिरहेका थिए । यसमा सलमानको रमाइलो प्रतिक्रिया थियो। सलमानको प्रतिक्रिया देखेर आमिर खान पनि हाँसो रोक्न सकेनन्।
आमिर खानसँगै ‘लगान’को टोली पनि थियो। कार्यक्रममा काजोल, जुही चावला, रेखा, किरण राव, आमिर खानकी छोरी इरा खान र उनका ज्वाइँ लगायत धेरै सेलिब्रेटीहरू उपस्थित रहेका थिए।
अन्य समाचारहरु
