हामीले नेतालाई भगवान र ‘बा’ बनाएर गल्ती ग¥यौँ, रास्वपाले त्यो गल्ती नदोहोर्‍याओस्ः गगन थापा

नेपाली काँग्रेसका सभापति गगनकुमार थापाले राजनीतिक दलका नेताहरूलाई भगवान र ‘बा’ बनाएर पछ्याउने राजनीतिक संस्कारले गलत परिणाम गलत परिणाम भोग्नुपरेको स्वीकार्नुभएको छ ।
चितवनको भरतपुरमा जारी राष्ट्रिय स्वतन्त्र पार्टी (रास्वपा)को पहिलो राष्ट्रिय महाधिवेशनको उद्घाटन सत्रलाई सम्बोधन गर्दै उहाँले यस्तो धारणा राख्नुभएको हो । उहाँले दलभित्रका नेताहरुमाथि प्रश्न गर्ने संस्कार विकास गर्न ढिलाई गरेकै कारण मुलुकको राजनीति जटिल बनेको बताउनु भयो ।

उहाँले काँग्रेसले आफ्ना कमजोरी पहिचान गर्न ढिलाइ गरेको स्वीकार गर्दै त्यसको राजनीतिक मूल्य अहिले पनि चुकाईरहेको बताउनु भयो । उहाँले अन्य राजनीतिक दलका विगतका कमजोरीबाट सिकेर अघि बढ्न रास्वपाका सदस्यहरूलाई आग्रह गर्नुभयो ।

उहाँले भन्नुभयो, ‘हामीले हाम्रा दलका नेताहरुलाई भगवान बनाएर गल्ति गरिसक्यौँ, बा बनाएर गल्ती गरिसक्यौँ तपाईले नगर्नुहोला । गल्ती गरेको बेलामा आफ्नै नेतालाई पनि प्रश्न गर्नुहोला । हामीले ढिलो गर्यौैैँ, त्यसैले सजाय पनि पायौँ । हामीले हाम्रो पार्टी लास र दासहरुको पार्टी होइन भन्ने कुरा केही अगाडि भन्न सक्नुपथ्र्यो सकेनौँ । ढिलो गर्यौँ । त्यसबाट पनि सिक्नुहोला म प्रत्येक राष्ट्रि स्वतन्त्र पार्टीका सदस्यहरुलाई म भन्न चाहन्छु ।’

उहाँले पार्टीको नीति र नेतृत्व चयनको संघारमा रहेको रास्वपालाई शुभकामना व्यक्त गर्नुभयो ।