आषाढ़ २७ गते, २०८३ मा प्रकाशित
मुम्बई, २७ असार । आमिर खान प्रोडक्सन, माइन्ड ब्लइङ फिल्म्स अस्ट्रेलिया र कबिर खान फिल्म्सले आफ्नो नयाँ चलचित्र ‘सिल्क्यारा ४१’ को घोषणा गरेका छन्।
वास्तविक घटनामा आधारित यो चलचित्र उत्तराखण्डको सिल्क्यारा सुरुङ उद्धार अभियान तथा उक्त अभियानमा अन्तर्राष्ट्रिय स्तरमा ख्यातिप्राप्त सुरुङ विशेषज्ञ एवं अस्ट्रेलियाका स्थानीय नायक आर्नोल्ड डिक्सले निर्वाह गरेको महत्त्वपूर्ण भूमिकाबाट प्रेरित छ।
यस चलचित्रको कथा चर्चित अस्ट्रेलियन पटकथा लेखक एन्ड्रयु अनास्तासियोस (द वाटर डिभाइनर) ले लेखेका हुन् भने यसको निर्देशन प्रख्यात चलचित्र निर्माता कविर खानले गर्नेछन्। यो चलचित्र भारत र अस्ट्रेलियाबीचको एक अद्वितीय सहकार्य हो, जसले दुवै राष्ट्रका सिर्जनात्मक क्षमता, कथावाचन परम्परा र निर्माण सम्बन्धी विशेषज्ञतालाई एकै ठाउँमा ल्याउँछ।
आमिर खान प्रोडक्सनद्वारा फिल्मलाई फिचर फिल्म बनाउने घोषणा यस्तो समयमा गरिएको हो जब भारत र अष्ट्रेलिया आफ्नो सम्बन्धलाई सुदृढ पार्ने र द्विपक्षीय सहयोगमा नयाँ अध्याय सुरु गर्ने दिशामा अघि बढिरहेका छन्। यस पृष्ठभूमिमा, फिल्म ‘सिल्कयारा ४१’ लाई सहकार्य, साझा मूल्यमान्यताको मान्यता र मानवीय भावनाको शक्तिशाली प्रमाणको रूपमा हेरिएको छ।
आमिर खान प्रोडक्सन्सका संस्थापक आमिर खानले भने, ‘माइन्ड ब्लइङ फिल्म्सु र आमिर खान प्रोडक्सन्स बीचको यस विशेष सहकार्यको घोषणा गर्न पाउँदा हामी निकै खुसी छौं।’
आमिर खानले भने, ‘सिल्क्यारा सुरुङको उद्धार कार्यको कथाले मलाई गहिरो गरी छोयो। यो कठिन परिस्थितिमा देखाइएको साहस, दृढ मनोबल, सिर्जनशीलता र मानवीयताको गाथा हो। भारत र अष्ट्रेलियाले आफ्नो द्विपक्षीय सम्बन्धमा नयाँ अध्यायको सुरुवात गरिरहँदा यस्तो ऐतिहासिक दिनमा यो घोषणा गर्न पाउँदा हामी विशेष रूपमा हर्षित छौं। अन्तर्राष्ट्रिय सहकार्य र मानवीय भावनाको विजयलाई उजागर गर्ने चलचित्रमा हाम्रा दुई राष्ट्रहरूले सहकार्य गरिरहनु पनि निकै अर्थपूर्ण छ।’
अन्य समाचारहरु
