आषाढ़ ३१ गते, २०८३ मा प्रकाशित
काठमाडौं, ३१ असार । यदि कुकुरले गाँजा खायो भने के हुन्छ ? यो सामान्यतया मनमा नआउने प्रश्न हुन सक्छ तर बेलायतमा ‘टोकियो’ नामकी पोथी ल्याब्राडोरको हकमा ठ्याक्कै यस्तै घटना घट्यो र उसको ज्यान जोखिममा पर्यो।
गाँजा खाएपछि गम्भीर बिरामी परेकी ती कालो रङकी ल्याब्राडोरलाई बेलायतको सबैभन्दा अग्लो हिमालको यात्रापछि उद्धार गर्नुपरेको थियो।
सीएनएनको एक रिपोर्ट अनुसार उक्त कुकुरकी धनी क्रिस्टिना ब्लुहमेले बताएकी छिन् कि ‘टोकियो’ नामको ५ वर्षीय कुकुर गत आइतबार स्कटल्याण्डको बेन नेभिस हिमाल चढ्ने क्रममा बिरामी पर्यो र त्यसको केही घण्टापछि नै बेहोस भयो। टोकियो आफ्नी धनी ब्लुहमेका १७ वर्षीय छोरा म्याग्नस र ‘ब्लेज’ नामको अर्को कुकुरसँगै हिमाल चढ्दै थिई। सुरुमा ‘टोकियो’ एकदमै ठीक थिई, उ सधैँ झैँ खानेकुरा खाँदै, पानी पिउँदै र निकै फुर्तिली अवस्थामा थिई।
तर, जब उनीहरू हिमालको चुचुरोबाट करिब एक घण्टाको दूरीमा थिए, अचानक टोकियोका पछाडिका खुट्टाहरूले काम गर्न छोडे। उक्त चुचुरो समुद्र सतहबाट १ हजार ३४५ मिटरको उचाइमा अवस्थित छ। उनको अवस्था तीव्र गतिमा बिग्रियो र उनी बारम्बार अचेत हुन थालिन्। यो देखेर ब्लुमलाई शंका लाग्यो कि चढाइका कारण उनको मेरुदण्डमा गम्भीर चोट लागेको हुन सक्छ। उनलाई टोकियोको ज्यान जाने हो कि भन्ने डर लाग्यो।
ब्लुमले २४ केजी तौल भएकी टोकियोलाई बोकेर तल झार्ने प्रयास गरे तर भारी वर्षा र कुकुरको तौलका कारण यो काम कठिन भयो। त्यसपछि अर्का एक पदयात्रीले उनलाई उद्धारका लागि आपतकालीन सेवालाई सम्पर्क गर्न सुझाव दिए।
सौभाग्यवश, लोचाबर माउन्टेन रेस्क्यु टिमका स्वयंसेवकहरू नजिकै थिए । उनीहरू भर्खरै हिमालको चुचुरोमा अर्को आपतकालीन घटनाको व्यवस्थापन गरेर फर्किएका थिए। त्यसपछि, पर्वतीय उद्धार टोली घटनास्थलमा आइपुग्यो। टोलीले टोकियोलाई स्ट्रेचरमा राखेर सुरक्षित रूपमा तल झार्यो। त्यहाँबाट ब्लुमले उनलाई तुरुन्तै नजिकैको पशु चिकित्सककहाँ लगे।
जाँचका क्रममा डाक्टरले टोकियोको चोटको कारण मारिजुआनाको असर नभई उनको आफ्नै शारीरिक अवस्था रहेको निष्कर्ष निकाले, उनले यस्तो निष्कर्ष लक्षणहरूका आधारमा निकालेका थिए। पछि, उनको शरीरको तापक्रम जाँच गर्दा उनले बाहिर निस्कने श्वाससँगै मारिजुआनाको कडा गन्ध महसुस गरे। यसले टोकियो आउने क्रममा उनले मारिजुआना वा सोही प्रकृतिको कुनै पदार्थ सेवन गरेको हुन सक्ने शंकालाई अझ बलियो बनायो।
खुसीको कुरा के छ भने उपचारपछि टोकियो पूर्ण रूपमा निको भइन्। उद्धार टोलीका अनुसार सामान्यतया निकै तन्दुरुस्त र सक्रिय रहने टोकियोले पदयात्राका क्रममा सायद यस्तो कुनै चिज खाएकी थिइन्, जसका कारण उनको स्वास्थ्य अवस्था अचानक र गम्भीर रूपमा बिग्रिएको थियो। पछि पत्ता लाग्यो, उनले गाँजा खाएकी रहेछिन् । यो बिषयले बेलायतमा निकै चर्चा परिचर्चा पाएको छ।
अन्य समाचारहरु
